ໄຂFestivalຊາໄທງວຽນ, ຫວຽດນາມຄັ້ງທີ2ປີ 2013
ປະທານສະພາແຫ່ງຊາດ ຫງວຽນຊິງຮູ່ງ ເຂົ້າຮ່ວມພິທີໄຂ
(vovworld) – ພິທີໄຂ Festival ຊາໄທງວຽນ, ຫວຽດນາມຄັ້ງທີ 2 ປີ 2013 ໄດຈັດຂຶ້ນໃນຕອນຄຳ່ວັນທີ 9/11, ຢູ່ເຂດທ່ອງທ່ຽວໜອງ ນຸ໋ຍກົກ, ດ້ວຍການເຂົ້າຮ່ວມຂອງທ່ານປະທານສະພາແຫ່ງຊາດ ຫງວຽນຊິງຮູ່ງ. Festival ແມ່ນໂອກາດເຊີດຊູຕົ້ນຊາ, ຜູ້ປູກ, ປຸງແຕ່ງຊາ ແລະ ສ້າງ, ໂຄສະນາເຄື່ອງໝາຍການຄ້າບັນດາຜະລິດຕະພັນຊາ, ອະນຸລັກຮັກສາບັນດາຄຸນຄ່າວັດທະນະທຳມີຮູບຮ່າງ, ບໍ່ມີຮູບຮ່າງຂອງຊາ ໄທງວຽນ, ຊາ ຫວຽດນາມ.
ກ່າວຄຳເຫັນທີ່ພິທີໄຂ, ທ່ານປະທານສະພາແຫ່ງຊາດ ຫງວຽນຊິງຮູ່ງ ເຊື່ອໝັ້ນວ່າ: ຂະແໜງຊາ ຫວຽດນາມ ເວົ້າລວມ ແລະ ຊາ ໄທງວຽນ ເວົ້າສະເພາະຈະສືບຕໍ່ພັດທະນາ, ນັບມື້ນັບມີຫຼາຍເຄື່ອງໝາຍການຄ້າແຫ່ງຊາດທີ່ມີຊື່ສຽງໃນຕະຫຼາດໂລກ. ວັດທະນະທຳ ຫວຽດນາມ ແມ່ນຈຸດວັດທະນະທຳທີ່ເປັນເອກະລັກສະເພາະ, ຍາກທີ່ຈະຫຼົງລື່ມໄດ້ໃນໃຈຂອງແຂກທັງຢູ່ພາຍໃນ ແລະ ຕ່າງປະເທດ.
ໂດຍໄດ້ຮັບການດົນບັນດານຈາກທຳມະຊາດ, ອາກາດແທດເໝາະເພື່ອໃຫ້ຕົ້ນຊາເຕີບໂຕ, ປະຈຸບັນ, ຜະລິດຕະພັນຊາ ໄທງວຽນ ໄດ້ປະກົດຕົວຢູ່ເກືອບທັງໝົດບັນດາແຂວງ, ນະຄອນໃນທົ່ວປະເທດ ແລະ ໄດ້ສົ່ງອອກໄປຍັງບາງຕະຫຼາດສາກົນ. ປະລິມານຊາສົ່ງອອກຂອງແຂວງ ໄທງວຽນກວມ 1/5 ຍອດວົງເງິນສົ່ງອອກຊາຂອງທົ່ວປະເທດ.