ສະໜາມກິລາ Fisht Olympic ຢູ່ນະຄອນ Sochi
(ພາບ: thanhnien.com)
(vovworld) – ພິທີໄຂງານມະຫາກຳກິລາລະດູໜາວ 2014 ໄດ້ຈັດຕັ້ງໃນວັນທີ 7/2 ຢູ່ນະຄອນ Sochi, ສະຫະພັນ ລັດເຊຍ ດ້ວຍການເຂົ້າຮ່ວມຂອງ 40.000 ຄົນ. ທ່ານປະທານາທິບໍດີ ປະເທດເຈົ້າພາບ Vladimir Putin ກໍ່ເຂົ້າຮ່ວມເພື່ອແນໃສ່ລົບລ້າງບັນດາຄວາມວິຕົກກັງວົນກ່ຽວກັບໄພກໍ່ການຮ້າຍທີ່ເລັ່ງໃສ່ເຫດການກິລາຂະໜາດໃຫຍ່ນີ້. ພິທີໄຂຖືກດຳເນີນໄປເປັນເວລາ 3 ຊົ່ວໂມງ. ມີພາລະກອນປ້ອງກັນຄວາມສະຫງົບປະມານ 37.000 ຄົນໄດ້ດຳເນີນງານໃນສະພາບເຕືອນໄພສູງ, ພາຍຫຼັງບັນດາຄຳນາບຂູ່ຈາກບັນດາກຸ່ມກໍ່ການຮ້າຍຊາວອິດສະລາມ, ທີ່ມີຖານທີ່ໝັ້ນຢູ່ທາງທິດເໜືອ Caucasus. ເຖິງວ່າໄດ້ສ້າງຕັ້ງເຂດປ້ອງກັນຢູ່ອ້ອມສະຖານທີ່ແຂ່ງຂັນແລ້ວ, ກຳລັງປ້ອງກັນຄວາມສະຫງົບ ລັດເຊຍ ຍັງມີຄວາມວິຕົກວັງວົນເພາະແມ່ຍິງຄົນໜຶ່ງທີ່ສົງໃສວ່າມີແຜນການວາງລະເບີດສະຫຼະຊີບໄດ້ຫລຸດຜົ້ນອອກຈາກການຕິດຕາມກວດກາ. ໃນຂະນະນັ້ນ, ບັນດານັກໄຈ້ແຍກປ້ອງກັນຄວາມສະຫງົບເຊື່ອໝັ້ນວ່າ ເຫດບຸກໂຈມຕີກໍ່ການຮ້າຍທີ່ຄ້າຍຄືກັນອາດຈະເກີດຂຶ້ນຢູ່ບ່ອນໃດໜຶ່ງໃນປະເທດລັດເຊຍ, ເພື່ອແນໃສ່ທຳລາຍອິດທິຜົນຊື່ສຽງຂອງທ່ານປະທານາທິບໍດີ Putin, ກໍ່ຄືນາບຂູ່ຜົນສຳເລັດຂອງ Olympic ລະດູໜາວ Sochi 2014.