ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບິງມິນ ກ່າວຄຳເຫັນທີ່ພິທີໄຂກອງປະຊຸມ “ ອາເປັກໃນພາກພື້ນອາຊີ-ປາຊີຝິກຂອງສະຕະວັດທີ 21”
(ພາບ: .baomoi.com)
|
(vovworld)- ຕອນເຊົ້າວັນທີ 15/11, ຢູ່ຮ່າໂນ້ຍ, ກະຊວງການຕ່າງປະເທດຫວຽດນາມ ແລະ ອົງການສະຫະປະຊາຊາດເພື່ອການພັດທະນາ UNDP ໄດ້ສົມທົບກັນໄຂກອງປະຊຸມ “ ອາເປັກໃນພາກພື້ນອາຊີ-ປາຊີຝິກຂອງສະຕະວັດທີ 21”. ນີ້ແມ່ນເຫດການລະດັບສູງຄັ້ງທຳອິດໃນຂອບເຂດເວທີປາໄສ ອາເປັກ ຖືກຈັດຂຶ້ນຢູ່ຫວຽດນາມນັບຕັ້ງແຕ່ກອງປະຊຸມສຸດຍອດອາເປັກ 2006 ແລະ ໄດ້ຮັບຖືວ່າ ແມ່ນເຫດການເປັນຂີດໝາຍ 15 ປີແຫ່ງການເຂົ້າເປັນສະມາຊິກປະຊາຄົມນີ້ຂອງຫວຽດນາມ.
ກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບິງມິນ ໄດ້ຊີ້ແຈ້ງວ່າ ໃນສະພາບເສດຖະກິດ, ການເມືອງຢູ່ພາກພື້ນອາຊີ-ປາຊີຝິກ ແລະ ໃນໂລກພວມມີການປ່ຽນແປງຢ່າງເລິກເຊິ່ງນັ້ນ, ຍິ່ງກ່ວາເລາໃດໝົດ, ການຮ່ວມມື ແລະ ເຊື່ອມໂຍງເຂົ້າກັນພວມກາຍເປັນຄວາມຮຽກຮ້ອງຕ້ອງການຢ່າງຮີບດ່ວນສຳລັບອາເປັກ. ເມື່ອເຕື້ອງເຖິງການເຂົ້າຮ່ວມຂອງຫວຽດນາມໃນອາເປັກ, ທ່ານນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຝ້າມບິງມິນ ຢືນຢັນວ່າ :
“ ຫວຽດນາມພວມກ້າວເຂົ້າສູ່ໄລຍະຍຸດທະສາດໃໝ່, ສືບຕໍ່ປ່ຽນໃໝ່ຢ່າງເລິກເຊິ່ງກ້ວາງຂວາງ, ສ້າງໂຄງປະກອບເສດຖະກິດຄືນໃໝ່ ແລະ ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຢ່າງຮອບດ້ານ. ດັ່ງນັ້ນ, ພາກພື້ນອາຊີ-ປາຊີຝິກເວົ້ວລວມ ແລະ ເວທີປາໄສອາເປັກເວົ້າສະເພາະ ຍິ່ງມີຄວາມໝາຍສຳຄັນພິເສດສຳລັບຫວຽດນາມ. ເພາະສະນັ້ນ, ນະໂຍບາຍໃຫຍ່ຂອງຫວຽດນາມ ແມ່ນຮ່ວມມືພ້ອມກັບບັນດາສະມາຊິກອາເປັກມຸ່ງໄປສູ່ການສ້າງ ພາກພື້ນອາຊີ-ປາຊີຝິກທີ່ເຂັ້ແຂງດ້ວຍຕົນເອງ, ເຊື່ອມຈອດກັນ, ພັດທະນາຢ່າງສະເໝີ, ຍຸຕິທຳ ແລະ ໝັ້ນຄົງ. ຫວຽດນາມຈະສືບຕໍ່ຕັ້ງໜ້າເຂົ້າຮ່ວມບັນດາກົນໄກຮ່ວມມື, ຮ່ວມສຳພັນເສດຖະກິດແບບຫຼາຍຝ່າຍ, ຫຼາຍຮູບຫຼາຍສີຢູ່ ພາກພື້ນອາຊີ-ປາຊີຝິກ, ຈາກອະນຸເຂດເຖິງການສ້າງປະຊາຄົມອາຊຽນ, ເວທີປາໄສອາເປັກ ແລະ ທັງພາກພື້ນ.
ກອງປະຊຸມໄດ້ປຶກສາຫາລື, ຕີລາຄາໄລຍະ 15 ປີແຫ່ງການເຂົ້າຮ່ວມ APEC ຂອງຫວຽດນາມ. ບັນດາສະມາຊິກ APEC ໄດ້ຕີລາຄາສູງບົດບາດ, ການເຂົ້າຮ່ວມຢ່າງຕັ້ງໜ້າ, ເປັນເຈົ້າການ ແລະ ມີປະສິດທິຜົນຂອງຫວຽດນາມໃນ APEC ກໍ່ຄືບັນດາກົນໄກຮ່ວມມືດ້ານເສດຖະກິດພາກພື້ນ. ທ່ານຫງວນເກີມຕູ, ຮອງລັດຖະມົນຕີກະຊວງອຸດສາຫະກຳການຄ້າຫວຽດນາມ ຖືວ່າ:
“ໂດຍແມ່ນເວທີປາໄສເສດຖະກິດເປີດ, APEC ໄດ້ນຳມາເຊິ່ງບັນດາຂໍ້ຕົກລົງທີ່ເໝາະສົມກັບບັນດາປະເທດມີລະດັບການພັດທະນາຄືຫວຽດນາມ. ທີສອງແມ່ນ APEC ມີບັນດາໂຄງການທີ່ແທດຈິງທີ່ສຸດເພື່ອພັດທະນາການຄ້າ. ທີສາມແມ່ນ APEC ມີບັນດາກົນໄກໂອ້ລົມສົນທະນາເປີດດ້ານນະໂຍບາຍ, ພິເສດແມ່ນນະໂຍບາຍການຄ້າ. ນັ້ນແມ່ນເງື່ອນໄຂສຳດວກທີ່ສຸດໃຫ້ແກ່ການເຂົ້າຮ່ວມຂອງຫວຽດນາມ“.
ທ່ານ David Dodwell ຜູ້ຕາງໜ້າສະພາດຳເນີນທຸລະກິດ APEC ເນັ້ນໜັກວ່າ:
“ຂ້າພະເຈົ້າຊົມເຊີຍຂໍ້ລິເລີ່ມຂອງຫວຽດນາມ ໃນການຈັດຕັ້ງກອງປະຊຸມຄັ້ງນີ້ ຍ້ອນວ່າ ຫວຽດນາມ ຈະເປັນເຈົ້າພາບຈັດກອງປະຊຸມ APEC ໃນປີ 2017. ຂ້າພະເຈົ້າຖືວ່າ, ນີ້ແມ່ນການກະກຽມເປັນຢ່າງດີທີ່ສຸດຂອງລັດຖະບານຫວຽດນາມ, ຮັບປະກັນໃຫ້ແກ່ຜົນສຳເລັດຂອງປີ APEC 2017“.