ທ່ານ Nguyen Sinh Hung
ກ່າວຄຳປາໄສທີ່ວາລະໄຂກອງປະຊຸມ
(ພາບ: ຂ່າວສານຫວຽດນາມ)
(VOV-TTX) - ຕອນເຊົ້າວັນທີ 3/10, ກອງປະຊຸມການເປັນຄູ່ຮ່ວມລັດຖະສະພາອາຊີ - ເອີລົບ ຄັ້ງທີ 7 (ASEP 7) ດ້ວຍຫົວຂໍ້: “ຄູ່ຮ່ວມລັດຖະສະພາອາຊີ - ເອີລົບ ເພື່ອການພັດທະນາແບບຍືນຍົງ“ ໄດ້ໄຂຂຶ້ນຢ່າງເປັນທາງການຢູ່ນະຄອນຫຼວງວຽງຈັນ, ລາວ, ດ້ວຍການເຂົ້າຮ່ວມຂອງຜູ້ແທນ 400 ທ່ານຂອງກ່ວາ 40 ປະເທດອາຊີ ແລະ ເອີລົບ ພ້ອມກັບຜູ້ຕາງໜ້າທະນາຄານໂລກ, ກອງທຶນພັດທະນາ ສປຊ ແລະ ອົງການຈັດຕັ້ງສາກົນ ແລະ ພາກພື້ນຈຳນວນໜື່ງ. ທ່ານປະທານສະພາແຫ່ງຊາດຫວຽດນາມ Nguyen Sinh Hung ໄດ້ນຳໜ້າຄະນະຜູ້ແທນສະພາແຫ່ງຊາດຫວຽດນາມ ເຂົ້າຮ່ວມກອງປະຊຸມ. ກ່າວຄຳເຫັນໄຂກອງປະຊຸມ, ທ່ານນາງປານີ ຢາທໍ່ຕູ້ ປະທານສະພາແຫ່ງຊາດລາວ, ປະທານ ASEP 7 ໄດ້ເນັ້ນຫນັກເຖິງຄວາມສຳຄັນຂອງການເປີດກ້ວາງຄູ່ຮ່ວມລັດຖະສະພາອາຊີ - ເອີລົບ ໃນ 10 ປີຜ່ານມາ; ຮຽກຮ້ອງການຮັບປະກັນການພັດທະນາ ເສດຖະກິດແບບຍືນຍົງຢູ່ແຕ່ລະປະເທດ ກໍ່ຄືຄວາມຈຳເປັນຕ້ອງຊອກຫາບັນດາມາດຕະການພັດທະນາເສດຖະກິດ, ພິເສດແມ່ນບັນຫາໜີ້ສາທາລະນະ, ຄ້ຳປະກັນສະບຽງອາຫານ, ການປ່ຽນແປງຂອງດິນຟ້າອາກາດ ແລະ ການຄຸ້ມຄອງໄພທຳມະຊາດ. ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ, ປະທານ ASEP 7 ຊີ້ແຈ້ງວ່າ:
ສຽງທ່ານນາງ ປານີ ຢາທໍ່ຕູ້:
ຕາງໜ້າໃຫ້ລັດຖະບານປະເທດ ສປປລາວ, ທ່ານນາຍົກລັດຖະມົນຕີລາວທອງສິງ ທຳມະວົງ ຊີ້ແຈ້ງວ່າ:
ສຽງທ່ານທອງສິງ ທຳມະວົງ:
ໃນບົດກ່າວປາໄສທີ່ວາລະໄຂກອງປະຊຸມ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ເນັ້ນໜັກວ່າ ດ້ວຍຖານະເປັນຜູ້ແທນຂອງປະຊາຊົນ ແລະ ເພື່ອປະຊາຊົນ, ບັນດາປະເທດສະມາຊິກ ASEP ສວມບົດບາດທີ່ບໍ່ສາມາດປ່ຽນແທນໄດ້ໃນການເຮັດໃຫ້ຄວາມເຂົ້າອົກເຂົ້າໃຈລະຫວ່າງອາຊີ-ເອີລົບ ເລິກເຊີ່ງຂຶ້ນຕື່ມ, ເປີດກ້ວາງສິ່ງຄ້າຍຄືກັນ ແລະ ຊຸກຍູ້ການຮ່ວມມືລະຫວ່າງສອງຝ່າຍກ່ວາອີກ. ທ່ານປະທານສະພາແຫ່ງຊາດຫວຽດນາມ Nguyen Sinh Hung ຖືວ່າ: ກອງປະຊຸມ ASEP 7 ດຳເນີນໄປໃນສະພາບການເສດຖະກິດໂລກຟື້ນຕົວຢ່າງຊັກຊ້າ, ຊ້ອນແຝງຄວາມສ່ຽງຫຼາຍຢ່າງ, ສະພາບດ້ານການເມືອງ, ຄວາມໝັ້ນຄົງມີການຜັນແປ່ຢ່າງສັບສົນ. ທ່ານປະທານສະພາແຫ່ງຊາດຫວຽດນາມ Nguyen Sinh Hung ຊີ້ແຈ້ງວ່າ:
“ຫວຽດນາມເຫັນວ່າ, ດ້ວຍສະພາບໄພທຳມະຊາດໄດ້ເກີດຂຶ້ນຢ່າງຕໍ່ເນື່ອງ, ຍິ່ງກ່ວາເວລາໃດໝົດ, ບັນຫາຄ້ຳປະກັນດ້ານສະບຽງອາຫານພວມກາຍເປັນຄວາມຮີບດ່ວນທີ່ສຸດ ແລະ ແມ່ນປັດໄຈສຳຄັນ, ຮັບປະກັນໃຫ້ແກ່ຄວາມວັດທະນະຖາວອນ ແລະ ການພັດທະນາແບບຍືນຍົງຂອງປະເທດຕ່າງໆ. ສະນັ້ນ, ບັນດາປະເທດສະມາຊິກ ASEP ຕ້ອງເພີ່ມທະວີປະສານງານນະໂຍບາຍສາກົນ, ພັດທະນາຕະຫຼາດທັນຍາຫານຢ່າງໃສແຈ້ງ ແລະ ຕ້ານບັນດາມາດຕະການອາລັກຂາ ພ້ອມທັງຍູ້ແຮງບັນດາຮູບການຮ່ວມມືສາມຝ່າຍ, ປະສົມກັບແຫຼ່ງກຳລັງ ແລະ ວິຊາສະເພາະຂອງບັນດາປະເທດອຸປະຖຳ ແລະ ຮັບເງິນອຸປະຖຳເພື່ອພັດທະນາກະສິກຳໃນພາກພື້ນ ASEM“
ໃນຕອນບ່າຍຂອງວັນທີ 3/10, ທ່ານປະທານສະພາແຫ່ງຊາດຫວຽດນາມ Nguyen Sinh Hung ໄດ້ເດີນທາງກັບເມືອປະເທດ, ສິ້ນສຸດການໄປເຂົ້າຮ່ວມກອງປະຊຸມການເປັນຄູ່ຮ່ວມລັດຖະສະພາອາຊີ - ເອີລົບ ຄັ້ງທີ 7 (ASEP 7) .