ໄຂກອງປະຊຸມຂັ້ນສູງສື່ມວນຊົນອາຊີ-ປາຊີຟິກ
ຜູ້ອຳນວຍການ AIBD Yang Binyuan ກ່າວຄຳເຫັນທີ່ພິທີໄຂ AMS 10
(vovworld) – ກອງປະຊຸມຂັ້ນສູງສື່ມວນຊົນອາຊີ - ປາຊີຟິກ (AMS) ຄັ້ງທີ 10 ຖືກໄຂຂຶ້ນໃນຕອນເຊົ້າວັນທີ 6/5, ຢູ່ນະຄອນ Jeddah, ປະເທດ ຊາອຸດິ ອະຣາບິ, ເຊິ່ງໄດ້ດຶງດູດການເຂົ້າຮ່ວມຂອງຜູ້ແທນ 500 ຄົນທີ່ມາຈາກ 50 ປະເທດ ແລະ ເຂດແຄ້ວນໃນໂລກ. ດ້ວຍຫົວຂໍ້ວ່າ: “ສື່ມວນຊົນ ແລະ ຄວາມມີຫຼາຍຮູບຫຼາຍສີ: ບົດຮຽນດ້ານກະຈາຍສຽງ, ໂທລະພາບເພີ່ມຄວາມອຸດົມສົມບູນຂຶ້ນຕື່ມ”, ກອງປະຊຸມຂັ້ນສູງ AMS 2014 ແມ່ນກາລະໂອກາດເພື່ອໃຫ້ບັນດາຜູ້ເຮັດວຽກງານກະຈາຍສຽງ - ໂທລະພາບແບ່ງປັນບັນດາທັດສະນະທີ່ມີຫຼາຍຮູບຫຼາຍແບບກ່ຽວກັບສື່ມວນຊົນໃນໄລຍະທັນສະໄໝ. ທີ່ກອງປະຊຸມຂັ້ນສູງ AMS 2014, ບັນດາຜູ້ເຮັດວຽກງານສື່ມວນຊົນຈະ ໄດ້ພົບປະໂອ້ລົມກ່ຽວກັບບັນດາວິທີການຫຼາຍຮູບຫຼາຍສີ ແລະ ຜົນສະທ້ອນຂອງຄວາມມີຫຼາຍຮູບຫຼາຍສີດ້ວຍວິໄສທັດ ແລະ ຍຸດທະສາດພັດທະນາເພື່ອແນໃສ່ກໍ່ສ້າງບັນດາສຳນັກສື່ມວນຊົນພັດທະນາແບບຍືນຍົງ.
ກອງປະຊຸມດຳເນີນໄປເປັນເວລາ 3 ວັນ, ດ້ວຍ 7 ວາລະປະຊຸມ ແລະ ການປຶກສາຫາລືຢູ່ນອກກອງປະຊຸມ 2 ຄັ້ງ. ຄະນະຜູແທນວິທະຍຸກະຈາຍສຽງຫວຽດນາມ ໂດຍທ່ານຮອງຜູ້ອຳນວຍການໃຫຍ່ ຫວູຫາຍ ນຳໜ້າ, ເຂົ້າຮ່ວມກອງປະຊຸມດັ່ງກ່າວ.