ທ່ານປະທານປະເທດເຈືອງເຕີນຊາງກ່າວຄຳເຫັນທີ່ກອງປະຊຸມ
ຕອນເຊົ້າວັນທີ 1/2 ຢູ່ ຮ່າໂນ້ຍ, ສະພາທິດສະດີສູນກາງໄດ້ໄຂກອງປະຊຸມຄັ້ງທີ 2 ເພື່ອປະກາດບົດລາຍງານສະຫລຸບການເຄື່ອນໄຫວໃນປີ 2011, ທິດທາງຫນ້າທີ່ວຽກງານປີ 2012 ແລະ ປຶກສາຫາລືບາງບັນຫາທິດສະດີ ແລະ ພຶດຕິກຳຕົວຈິງໃນການກະກຽມປັບປຸງ, ເພີ່ມເຕີມລັດຖະທຳມະນູນປີ 1992. ກ່າວຄຳເຫັນນະທີ່ນີ້, ທ່ານປະທານປະເທດ ເຈືອງເຕີນຊາງ ໄດ້ເນັ້ນຫນັກວ່າ: ປີ 2012, ສະພາບການຢູ່ພາຍໃນປະເທດ ແລະ ສາກົນສືບຕໍ່ມີການຜັນແປຢ່າງສັບສົນ. ພັກ, ລັດ ແລະ ປະຊາຊົນຫວຽດນາມ ສືບຕໍ່ຍູ້ແຮງກິດຈະການປ່ຽນແປງໃຫມ່ປະເທດຊາດຢ່າງຮອບດ້ານ, ສະນັ້ນ ສະພາທິດສະດີ ສູນກາງຄວນຕິດຕາມມະຕິກອງປະຊຸມໃຫຍ່ຄັ້ງທີ 11 ຂອງພັກກອມມູນິດຫວຽດນາມ ຢ່າງໃກ້ຊິດ, ຍູ້ແຮງການຄົ້ນຄ້ວາທິດສະດີ, ສະຫລຸບພຶດຕິກຳຕົວຈິງ, ແລກປ່ຽນບົດຮຽນສາກົນ ເພື່ອປະກອບສ່ວນແກ້ໄຂຄວາມຫຍຸ້ງຍາກລວມຂອງປະເທດຊາດ. ທ່ານປະທານປະເທດ ເຈືອງເຕີນຊາງ ເວົ້າວ່າ:
“ໃນກອງປະຊຸມໃຫຍ່ເທື່ອລະຄັ້ງ ພວກເຮົາລ້ວນແຕ່ມີການສະຫລຸບ, ຢັ້ງຢືນບັນຫາທິດສະດີ ແລະ ຍົກໃຫ້ເຫັນບັນຫາທິດສະດີຍັງຄົງຄ້າງ. ພວກເຮົາຕ້ອງເຮັດແນວໃດເພື່ອເສີມຂະຫຍາຍບົດບາດ, ທີ່ຕັ້ງຂອງສະພາທິດສະດີສູນກາງຢ່າງສູງສຸດ ເພື່ອຊ່ວຍໃຫ້ກົມການເມືອງ, ຊ່ວຍສູນກາງ ກ່ຽວກັບບັນດາບັນຫາທິດສະດີ ແລະ ສະຫລຸບພຶດຕິກຳຕົວຈິງ.”
ທ່ານປະທານປະເທດຍັງໃສ່ໃຈບາງບັນຫາທິດສະດີ ຄວນໄດ້ຮັບການຄົ້ນຄ້ວາ, ສືບຕໍ່ເຮັດໃຫ້ຢ່າງຈະແຈ້ງ. ພິເສດ ປີນີ້ ຕ້ອງສຸມໃສ່ຄົ້ນຄ້ວາກ່ຽວກັບທິດສະດີ ແລະ ພຶດຕິກຳຕົວຈິງ ໃນການປັບປຸງ, ເພີມເຕີມລັດຖະທຳມະນູນປີ 1992 ເພື່ອລາຍງານສູນກາງ ແລະ ເກັບກຳຄຳເຫັນຈາກ ປະຊາຊົນໃນລະຫວ່າງປີ 2013.