(vovworld) – ຕອນເຊົ້າວັນທີ 17/9, ກອງປະຊຸມຄັ້ງທີ 31 ຄະນະກຳມະການລະຫວ່າງລັດຖະບານ ຫວຽດນາມ - ກູຍບາ ໄຂຂຶ້ນຢູ່ ຮ່າໂນ້ຍ. ກ່າວຄຳເຫັນໄຂກອງປະຊຸມ, ທ່ານລັດຖະມົນຕີກະຊວງກໍ່ສ້າງ ຈິງດິ່ງຢຸງ, ປະທານຮ່ວມຄະນະກຳມະການລະຫວ່າງລັດຖະບານ ຫວຽດນາມ - ກູຍບາ ໄດ້ເນັ້ນໜັກເຖິງບັນດາໝາກຜົນພົ້ນເດັ່ນໃນການເຄື່ອນໄຫວຮ່ວມມືລະຫວ່າງ 2 ປະເທດ. ຕາມນັ້ນແລ້ວ, ມີຫຼາຍບົດບັນທຶກຊ່ວຍຈຳລະຫວ່າງ 2 ປະເທດໃນຂົງເຂດເຕັກໂນໂລຢີ ຊີວະພາບ ແລະ ວັກຊິນທີ່ໄດ້ຮັບການລົງນາມ. ໂຄງການຮ່ວມມື ຫວຽດນາມ - ກູຍບາ ກ່ຽວກັບການໜູນຊ່ວຍ ກູຍບາ ຜະລິດເຂົ້າສານໄລຍະ 2009 – 2015 ບັນລຸໄດ້ບາງຜົນງານທີ່ເປັນໜ້າສົ່ງເສີມພາຍຫຼັງ 2 ປີເຄິ່ງແຫ່ງການປະຕິບັດ, ປະກອບສ່ວນຍົກສູງປະລິມານເຂົ້າສານຢູ່ ກູຍບາ ແລະ ໜູນຊ່ວຍ ກູຍບາ ຫລຸດຜ່ອນປະລິມານເຂົ້າສານນຳເຂົ້າ, ຮັບປະກັນຄວາມໝັ້ນຄົງດ້ານທັນຍາຫານຢູ່ກັບທີ່ເທື່ອລະກ້າວ.
ທີ່ກອງປະຊຸມນີ້, 2 ຝ່າຍຕີລາຄາໝາກຜົນການຜັນຂະຫຍາຍບັນດາເນື້ອໃນຂອງບົດບັນທຶກກອງປະຊຸມຄັ້ງທີ 30, ແລກປ່ຽນກ່ຽວກັບໝາກຜົນແຫ່ງການຮ່ວມມືໃນບັນດາຂົງເຂດກະສິກຳ, ສິນໃນນ້ຳ, ເຕັກໂນໂລຢີຊີວະພາບ..., ຕີລາຄາກາງສະໄໝລະຫວ່າງເລື່ອງຜັນຂະຫຍາຍປະຕິບັດໂຄງການຜະລິດເຂົ້າເປືອກຢູ່ ກູຍບາ, ກຳນົດບັນດາເນື້ອໃນຮ່ວມມືໃໝ່ໃຫ້ແກ່ໄລຍະ 2013 – 2014.
ກອງປະຊຸມຄັ້ງທີ 31 ຄະນະກຳມະການລະຫວ່າງລັດຖະບານ ຫວຽດນາມ - ກູຍບາ ສິ້ນສຸດໃນວັນທີ 19/9.