(vovworld) - ຕອນເຊົ້າວັນທີ 01/07, ສະພາປະຊາຊົນນະຄອນຮ່າໂນ້ຍ ຊຸດທີ 14 ໄດ້ໄຂກອງປະຊຸມຄັ້ງທີ 7. ຕາມການຕີລາຄາ, ໃນ 6 ເດືອນຕົ້ນປີ 2013, ເສດຖະກິດນະຄອນຫຼວງ ມີລະດັບການເຕີບໂຕດີພໍສົມຄວນ, ຍອດຈຳນວນຜະລິດຕະພັນໃນບໍລິເວນນະຄອນຄາດວ່າບັນລຸລະດັບ 7,67%, ໄຟເງິນເຟີ້ໄດ້ຮັບການຄວບຄຸມ, ຕະຫຼາດເປັນຕົກກະຕິ. ຄຽງຂ້າງນັ້ນ, ວຽກງານວາງແຜນຜັງ, ຄຸ້ມຄອງຕົວເມືອງ, ຄຸ້ມຄອງຄວາມເປັນລະບຽບຮຽກຮ້ອງໃນການກໍ່ສ້າງໄດ້ຮັບການເພີ່ມທະວີ... ແຕ່ຍັງມີບາງຂໍ້ຈຳກັດໃນການຜະລິດດຳເນີນທຸລະກິດ, ຂົງເຂດສາທາລະນະສຸກ, ມົນລະພິດສິ່ງແວດລ້ອມ. ທ່ານນາງ ໂງທິຢວານແທງ, ປະທານສະພາປະຊາຊົນນະຄອນຮ່າໂນ້ຍ ຊີ້ແຈ້ງວ່າ.
“ນີ້ແມ່ນບັນຫາໃຫຍ່ ແລະ ຫຍຸ້ງຍາກ, ໄດ້ສົ່ງຜົນສະທ້ອນບໍ່ໜ້ອຍ ແລະ ເປັນສິ່ງກີດຂວາງການພັດທະນາ ນະຄອນຫຼວງ. ຂ້າພະເຈົ້າສະເໜີໃຫ້ບັນດາສະມາຊິກສະພາປະຊາຊົນຄົ້ນຄວ້າຢ່າງເລິກເຊິ່ງ, ຊີ້ໃຫ້ເຫັນບັນດາຈຸດອ່ອນ ແລະ ສາຍເຫດ, ຈາກນັ້ນສະເໜີ ແລະ ເປັນເອກະພາບນຳກັນບັນດາມາດຕະການແກ້ໄຂ ເພື່ອໃຫ້ນະຄອນສຸມໃສ່, ຊີ້ນຳ, ບໍລິຫານຢ່າງຂ້ຽວຂາດ, ສູ້ຊົນປະຕິບັດບັນດາຕົວເລກຄາດໝາຍ, ໜ້າທີ່ຂອງປີ 2013 ຢ່າງມີໄຊ”.