(ພາບປະກອບ)
(vovworld) - ຕອນເຊົ້າວັນທີ 16/01, ກອງປະຊຸມຂັ້ນລັດຖະມົນຕີຄະນະກຳມະການແມ່ນ້ຳຂອງສາກົນຄັ້ງທີ 19 ໄດ້ໄຂຂຶ້ນຢ່າງເປັນທາງການ ຢູ່ລາວ. ເຂົ້າຮ່ວມກອງປະຊຸມມີຜູ້ຕາງໜ້າບັນດາປະເທດແມ່ນ້ຳຂອງ ເຊິ່ງລວມມີ; ລາວ, ມ້ຽນມາ, ຈີນ, ໄທ, ກຳປູເຈຍ, ຫວຽດນາມ ພ້ອມກັບຜູ້ຕາງໜ້າຄະນະກຳມະການແມ່ນ້ຳຂອງສາກົນ. ຄະນະຜູ້ແທນຫວຽດນາມ, ໂດຍທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫງວຽນມິງກວາງ ນຳໜ້າໄດ້ເຂົ້າຮ່ວມກອງປະຊຸມ. ໃນເວລາ 2 ວັນທີ່ດຳເນີນກອງປະຊຸມ, ບັນດາຜູ້ແທນໄດ້ຕີລາຄາຄືນໝາກຜົນແຫ່ງການປະຕິບັດບັນດາໂຄງການຮ່ວມມືໃນຄະນະກຳມະການແມ່ນ້ຳຂອງ, ໃນນັ້ນມີເລື່ອງປະຕິບັດຖະແຫຼງການລວມກອງປະຊຸມຂັ້ນສູງຫົວຫີນ. ຄຽງຂ້າງນັ້ນ, ກອງປະຊຸມຍັງສຸມໃສ່ຊອກຫາມາດຕະການເພື່ອແນໃສ່ປົກປັກຮັກສາ ແລະ ຂຸດຄົ້ນແຫຼ່ງສັດ, ພືດ ແລະ ສິ່ງແວດລ້ອມແມ່ນ້ຳຂອງ ຢ່າງເໝາະສົມ. ກອງປະຊຸມຄັ້ງນີ້ກໍຈະພິຈາລະນາ, ຜັນຂະຫຍາຍແຜນການສ້າງຕັ້ງສູນປະສານງານກຳລັງໄຟຟ້າໃນພາກພື້ນ, ເປີດກວ້າງລາຍການໜູນຊ່ວຍກະສິກຳ ແລະ ສ້າງຕັ້ງສະຫະສະມາຄົມທາງລົດໄຟແມ່ຂອງເປີດກວ້າງ.