(VOVWORLD) - ກອງປະຊຸມມີຫົວຂໍ້ວ່າ “ຫັນປ່ຽນລະບົບທັນຍາຫານ, ອາຫານໃຫ້ໝັ້ນຄົງ, ເຂັ້ມແຂງ, ປັບຕົວເຂົ້າກັບການປ່ຽນແປງຂອງດິນຟ້າອາກາດໃນສະພາບວິກິດການໃໝ່”
 ພາບປະກອບ |
ຕອນເຊົ້າວັນທີ 24 ເມສາ, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດສົມທົບກັບຄະນະເລຂາໂຄງການທັນຍາຫານ, ອາຫານແບບຍືນຍົງຂອງ ສປຊ ໄດ້ໄຂ “ກອງປະຊຸມທົ່ວໂລກຄັ້ງທີ 4: ລະບົບທັນຍາຫານ, ອາຫານ - ເຄືອຂ່າຍຈັກກະວານດຽວ”.
ໂດຍຈະຈັດຂຶ້ນໃນເວລາ 3 ມື້, ແຕ່ວັນທີ 24 – 27 ເມສາ, ກອງປະຊຸມມີຫົວຂໍ້ວ່າ “ຫັນປ່ຽນລະບົບທັນຍາຫານ, ອາຫານໃຫ້ໝັ້ນຄົງ, ເຂັ້ມແຂງ, ປັບຕົວເຂົ້າກັບການປ່ຽນແປງຂອງດິນຟ້າອາກາດໃນສະພາບວິກິດການໃໝ່”. ບັນຫາຮັບປະກັນຄວາມໝັ້ນຄົງດ້ານສະບຽງອາຫານຂອງ ຫວຽດນາມ ແລະ ຄວາມໝັ້ນຄົງດ້ານສະບຽງອາຫານໃນໂລກໂດຍໄດ້ບັນດາຜູ້ແທນສຸມໃສ່ປືກສາຫາລືທີ່ກອງປະຊຸມ.
ດ້ວຍ 9 ວາລະປະຊຸມເປັນທາງການ ແລະ 10 ວາລະປະຊຸມດ້ານເຕັກນິກທີ່ກ່ຽວຂ້ອງ, ກອງປະຊຸມຈະພິຈາລະນາບັນດາຮົ້ວກີດຂວາງ, ຄວາມຫຍຸ້ງຍາກ, ສິ່ງທ້າທາຍທີ່ກ່ຽວຂ້ອງເຖິງການຫັນປ່ຽນລະບົບທັນຍາຫານ, ອາຫານ ແລະ ສະເໜີບັນດາມາດຕະການແກ້ໄຂ.
 ທ່ານຮອງນາຍົກລັດຖະມົນຕີ ຫວຽດນາມ ເຈິ່ນລືວກວາງ ກ່າວຄຳເຫັນທີ່ກອງປະຊຸມ(ພາບ:TTXVN)
|
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ເຈິ່ນລືວກວາງ ໃຫ້ຮູ້ວ່າ: ຫວຽດນາມ ກຽມພ້ອມຮ່ວມແຮງຮ່ວມໃຈກັບບັນດາປະເທດໃນການຫັນປ່ຽນລະບົບທັນຍາຫານ, ອາຫານ ແບບຍືນຍົງ ເພື່ອປະກອບສ່ວນປົກປັກຮັກສາຈັກກະວານ, ທ່ານກ່າວວ່າ:
“ວັນທີ 28 ມີນາ 2023, ລັດຖະບານ ຫວຽດນາມ ໄດ້ປະກາດໃຊ້ແຜນການກະທຳແຫ່ງຊາດ ກ່ຽວກັບການຫັນປ່ຽນລະບົບທັນຍາຫານ, ອາຫານ, ໂປ່ງໃສ, ມີຄວາມຮັບຜິດຊອບ ແລະ ຍືນຍົງ ຫວຽດນາມ ຮອດປີ 2030 ເພື່ອປະຕິບັດເປົ້າໝາຍທີ່ໄດ້ຢັ້ງຢືນທີ່ກອງປະຊຸມສຸດຍອດຂອງ ສປຊ ກ່ຽວກັບລະບົບທັນຍາຫານ, ອາຫານປີ 2021. ຫວຽດນາມ ຢັ້ງຢືນກຽມພ້ອມທີ່ຈະແບ່ງປັນບົດຮຽນ ແລະ ຮ່ວມມືກັບບັນດາປະເທດໃນການພັດທະນາກະສິກຳ, ຊົນນະບົດ”.
ພາຍຫຼັງພິທີໄຂ, ກອງປະຊຸມໄດ້ດຳເນີນ 4 ກອງປະຊຸມທາງການ ແລະ ບັນດາກອງປະຊຸມຢູ່ນອກຮອບໂດຍສຸມໃສ່ 4 ມາດຕະການຫັນປ່ຽນລະບົບທັນຍາຫານ, ອາຫານແບບຍືນຍົງ.
ນີ້ແມ່ນກອງປະຊຸມຂັ້ນລັດຖະມົນຕີດ້ວຍຜູ້ແທນເຂົ້າຮ່ວມປະມານ 300 ຄົນ ທີ່ຕາງໜ້າໃຫ້ບັນດາປະເທດ ແລະ ອົງການສາກົນ. ລະບົບທັນຍາຫານ, ອາຫານແບບຍືນຍົງ, ເຄືອຂ່າຍຈັກກະວານດຽວ ປະຈຸບັນມີກ່ວາ 100 ປະເທດເຂົ້າຮ່ວມ, ໃນນັ້ນມີ ຫວຽດນາມ.