ໄຂກອງປະຊຸມລັດຖະມົນຕີ ວິທະຍາສາດເຕັກໂນໂລຊີ ອາຊຽນຄັ້ງທີ່ 14.
(ພາບ : TTXVN)ຕອນເຊົ້າວັນທີ 26 ພະຈິກ, ກອງປະຊຸມລັດຖະມົນຕີວິທະຍາສາດ ແລະ ເຕັກໂນໂລຊີອາຊຽນຄັ້ງທີ່ 14 ໄດ້ຖືກໄຂຂື້ນຢູ່ນະຄອນ ໂຮຈິມິນ. ຢູ່ທີກອງປະຊຸມ, ບັນດາຜູ້ແທນສືບຕໍ່ປຶກສາຫາລືບັນດາບັນຫາເພື່ອແນໃສ່ເພີ່ມທະວີການຮ່ວມມືດ້ານວິທະຍາສາດເຕັກໂນໂລຊີໃນພາກພື້ນອາຊຽນຍິ່ງກວ່າອີກ, ຕີລາຄາໝາກຜົນທີ່ບັນລຸໄດ້ກ່ຽວກັບການຜັນຂະຫຍາຍບັນດາໂຄງການຮ່ວມມື ແລະ ວິທະຍາສາດເຕັກໂນໂລຊີຂອງອາຊຽນໃນໄລຍະທີ່ຜ່ານມາ. ກອງປະຊຸມກໍ່ເປັນອະກະພາບນຳກັນຜັນຂະຫຍາຍຂໍ້ລິເລີມ Krabi “ ວິທະຍາສາດ, ເຕັກໂນໂລຊີ ແລະ ຫົວຄິດປະດິດສ້າງເພື່ອອາຊຽນແກ່ງແຍ່ງ, ໝັ້ນຄົງ ແລະ ເຊື່ອມໂຍງ ”. ບັນດາປະເທດສະມາຊິກຂອງອາຊຽນກໍ່ຮັບຮອງເອົາແຜນການດຳເນີນງານພັດທະນາວິທະຍາສາດ ແລະ ເຕັກໂນໂລຊີພາຍໃນພາກພື້ນໄລຍະ 2012 - 2017. ກ່າວຄຳເຫັນຢູ່ພິທີໄຂ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນທຽນຍືນ ໄດ້ເນັ້ນໜັກວ່າ: ວິທະຍາສາດ ແລະ ເຕັກໂນໂລຊີແມ່ນໜື່ງໃນບັນດາຂົງເຂດຮ່ວມມືທີສຳຄັນ. ກອງປະຊຸມລັດຖະມົນຕີວິທະຍາສາດ ແລະ ເຕັກໂນໂລຊີອາຊຽນເປັນໂອກາດທີ່ສຳຄັນເພື່ອບັນດາລັດຖະມົນຕີແລກປ່ຽນທັດສະນະ, ການກຳນົດທິດເພື່ອຍົກອອກບັນດາແຜນການ, ໂຄງການວິທະຍາສາດເຕັກໂນໂລຊີໃຫ້ມີປະສິດທິຜົນໃຫ້ແກ່ປະຊາຄົມອາຊຽນໃນໄລຍະ 2012 - 2017. ເລື່ອງຜັນຂະຫຍາຍຂໍ້ລິເລີມ Krabi ໃນຂົງເຂດວິທະຍາສາດ ແລະ ເຕັກໂນໂລຊີ ຈະຊຸກຍູ້ປະຊາຄົມອາຊຽນມີການແກ່ງແຍ້ງ, ໝັ້ນຄົງ ແລະ ເຊື່ອມໂຍງກວ່າ .