(vovworld)- ກອງປະຊຸມລັດຖະມົນຕີເສດຖະກິດ ອາຊຽນ ຄັ້ງທີ 45 (AEM 45) ແລະ ບັນດາກອງປະຊຸມກ່ຽວຂ້ອງຖືກໄຂຂຶ້ນໃນວັນທີ 19/8 ຢູ່ ບຣູໄນ ໄດ້ສຸມໃສ່ປຶກສາຫາລືກ່ຽວກັບວິວັດທະນາການສ້າງຕັ້ງປະຊາຄົມ ອາຊຽນ ໃນປີ 2015. ກອງປະຊຸມ AEM 45 ແລະ ບັນດາກອງປະຊຸມກ່ຽວຂ້ອງ ລວມມີ: ກອງປະຊຸມສະພາເຂດການຄ້າເສລີ ອາຊຽນ ຄັ້ງທີ 27, ກອງປະຊຸມສະພາເຂດລົງທຶນ ອາຊຽນ ຄັ້ງທີ 16, ກອງປະຊຸມສະພາປະຊາຄົມເສດຖະກິດ ອາຊຽນຄັ້ງທີ 10 ແລະ ກອງປະຊຸມລັດຖະມົນຕີບັນດາຝ່າຍເຂົ້າຮ່ວມສັນຍາຄູ່ຮ່ວມມືເສດຖະກິດຮອບດ້ານພາກພື້ນ ຊື່ງຈະແກ່ຍາວຮອດວັນທີ 21/8. ທີ່ບັນດາກອງປະຊຸມດັ່ງກ່າວ, ບັນດາລັດຖະມົນຕີ ໄດ້ແລກປ່ຽນແນວຄວາມຄິດກ່ຽວກັບວິທີການບັນດາປະເທດ ອາຊຽນ ສາມາດເຮັດໃຫ້ເພີ່ມຄວາມສາມາດແກ້ງແຍ້ງໃນພາກພື້ນ ໃນຂະນະທີ່ສືບຕໍ່ເພີ່ມທະວີທີ່ຕັ້ງບົດບາດສຳຄັນຂອງກຸ່ມໃນລະບົບສະຫນອງສາກົນ. ໃນຂອບເຂດກອງປະຊຸມ AEM 45, ໄດ້ດຳເນີນບັນດາເຫດການອື່ນຄື: ເວທີປາໄສລົງທຶນ ອາຊຽນ ຄັ້ງທີ 3, ກອງປະຊຸມສຸດຍອດດຳເນີນທຸລະກິດ ແລະ ລົງທຶນ ອາຊຽນ ແລະ ເວທີປາໄສຊາວຫນຸ່ມ ອາຊຽນ- ຈີນ.