(ພາບປະກອບ)
(vovworld) - ກອງປະຊຸມລັດຖະມົນຕີເສດຖະກິດອາຊຽນ ໄດ້ໄຂຂຶ້ນໃນຕອນເຊົ້າວັນທີ 08/03 ຢູ່ນະຄອນຫຼວງຮ່າໂນ້ຍ. ກອງປະຊຸມໄດ້ມີການເຂົ້າຮ່ວມຂອງຄະນະຜູ້ແທນ 10 ປະເທດອາຊຽນ, ເລຂາທິການໃຫຍ່ອາຊຽນ. ທີ່ກອງປະຊຸມ, ບັນດາລັດຖະມົນຕີເສດຖະກິດອາຊຽນ ຈະເຫັນດີເປັນເອກະພາບບັນດາມາດຕະການເພື່ອປະຕິບັດການກໍ່ສ້າງປະຊາຄົມອາຊຽນໃນປີ 2015 ຢ່າງລະອຽດ. ຄະນະຜູ້ແທນຫວຽດນາມ ໂດຍທ່ານລັດຖະມົນຕີກະຊວງອຸດສາຫະກຳການຄ້າ ຫວູຮຸຍຮວ່າງ ນຳໜ້າຈະມີບັນດາການປະກອບສ່ວນສຳຄັນໃຫ້ແກ່ກອງປະຊຸມ, ດ້ວຍຈຸດປະສົງຊຸກຍູ້ການຮ່ວມມືດ້ານເສດຖະກິດ, ການຄ້າ ລະຫວ່າງກຳປູເຈຍ, ລາວ, ມຽນມາ, ຫວຽດນາມ ກວ່າອີກ; ເສີມຂະຫຍາຍຄວາມສາມາດບົມຊ້ອນຂອງບັນດາປະເທດນີ້ ເພື່ອຮັດແຄບຊ່ອງຫວ່າງພັດທະນາກັບປະເທດຕ່າງໆໃນພາກພື້ນ ແລະ ຢູ່ໃນໂລກ. ຢູ່ທີ່ນີ້, ຫວຽດນາມ ຈະຍົກອອກ 5 ຂໍ້ສະເໜີຕື່ມອີກກ່ຽວກັບໂຄງການຮ່ວມມື ໂຄງການດຳເນີນງານກຳປູເຈຍ, ລາວ, ມຽນມາ, ຫວຽດນາມ ໃໝ່ (ພ້ອມກັບ 11 ຂໍ້ສະເໜີທີ່ມີຢູ່ແລ້ວ) ເພື່ອໃຫ້ບັນດາປະເທດພ້ອມກັນສຸມໃສ່ປຶກສາຫາລື, ຊອກຫາການໜູນຊ່ວຍຈາກບັນດາຄູ່ຮ່ວມມືພັດທະນາ.