ໄຂກອງປະຊຸມລັດຖະມົນຕີເສດຖະກິດອາຊຽນຄັ້ງທີ48
ໄຂກອງປະຊຸມລັດຖະມົນຕີເສດຖະກິດ ອາຊຽນ ຄັ້ງທີ 48
|
(vovworld)- ຕອນເຊົ້າວັນທີ3/8 ຢູ່ ນະຄອນຫລວງ ວຽງຈັນ ປະເທດລາວ ໄດ້ດຳເນີນພິທີໄຂກອງປະຊຸມລັດຖະມົນຕີເສດຖະກິດ ອາຊຽນ ຄັ້ງທີ 48 ໂດຍມີການເຂົ້າຮ່ວມຂອງບັນດາທ່ານລັດຖະມົນຕີ, ຮອງລັດຖະມົນຕີເສດຖະກິດ 10 ປະເທດ ອາຊຽນ, ທ່ານເລຂາທິການໃຫຍ່ ອາຊຽນ ເລເລືອງມີງ, ບັນດາເຈົ້າຫນ້າທີ່ຂັ້ນສູງ ອາຊຽນ. ທ່ານ ເຈີນຕວນແອງ, ລັດຖະມົນຕີກະຊວງອຸດສາຫະກຳການຄ້າ ຫວຽດນາມ ນຳຫນ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ. ກ່າວຄຳເຫັນໄຂພິທີ, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ໃຫ້ຮູ້ວ່າ: ກອງປະຊຸມຄັ້ງນີ້ຈະສຸມໃສ່ເຂົ້າໃນບັນດາບັນຫາຄື: ຫັນການຈັດຕັ້ງປະຕິບັດແຜນການສັງລວມປີ 2025 ໃຫ້ປະກົດຜົນເປັນຈິງ ດ້ວຍການກຳນົດກົນໄກ, ແຜນວຽກງານລະອຽດ, ລະບົບການປະສານງານ ແລະ ຕິດຕາມຕີລາຄາໝາກຜົນຢ່າງເປັນລະບົບ. ສືບຕໍ່ສ້າງເງື່ອນໄຂສະດວກໃຫ້ການຄ້າໃນອາຊຽນ, ພິເສດ ແມ່ນຫລຸດຜ່ອນ ແລະ ກ້າວໄປເຖິງການລົບລ້າງບັນດາຂໍ້ຕິດຂັດ ເພື່ອຮັບປະກັນການຄ້າພາຍໃນກຸ່ມຢ່າງສະດວກ ແລະ ມີແຫລ່ງທຶນຕ່ຳ. ຢືນຢັນຄືນຫລັກການເຫັນດີເຫັນພ້ອມໃນອາຊຽນ ແລະ ຮັບປະກັນເລື່ອງກາຍເປັນໃຈກາງຂອງອາຊຽນ, ການຮ່ວມມືດ້ານເສດຖະກິດກັບບັນດາຄູ່ຮ່ວມມື.