(vovworld) – ຕອນເຊົ້າວັນທີ 24/2, ຢູ່ນະຄອນຮ້າລອງ, ໄດ້ໄຂກອງປະຊຸມສົ່ງເສີມການລົງທຶນຢູ່ແຂວງ ກວາງນິນ ປີ 2012. ກ່າວຄຳເຫັນຊົມເຊີຍກອງປະຊຸມ, ທ່ານ ຟ້າມມິນຈິ່ງ, ເລຂາຄະນະພັກແຂວງກວາງນິນ ຊີ້ແຈງວ່າ: ແຂວງກວາງນິນ ກຳນົດການປະຕິຮູບສະພາບແວດລ້ອມການລົງທຶນ ແລະ ປ່ຽນໃໝ່ການເຄື່ອນໄຫວສົ່ງເສີມການລົງທຶນແມ່ນໜຶ່ງໃນບັນດາໜ້າທີ່ຈຸດສຸມ, ມີລັກສະນະບຸກທະລຸ ແລະ ເປັນແກ່ນສານໃນໄລຍະປະຈຸບັນ. ກອງປະຊຸມສົ່ງເສີມການລົງທຶນຢູ່ແຂວງກວາງນິນປີ 2012 ດ້ວຍຫົວຂໍ້ວ່າ “ກວາງນິນ - ເຕົ້າໂຮມ ແລະ ແຜ່ຂະຫຍາຍ”, ແມ່ນເວທີປາໄສໃຫ້ແກ່ບັນດານັກຄຸ້ມຄອງ, ບັນດານັກລົງທຶນ, ວິສາຫະກິດທັງຢູ່ພາຍໃນ ແລະ ຕ່າງປະເທດ....ເຈລະຈາຫາລືກ່ຽວກັບບັນດາບັນຫາພັດທະນາເສດຖະກິດ - ສັງຄົມ ແລະ ຊອກຫາກາລະໂອກາດເຂົ້າມາລົງທຶນຢູ່ກວາງນິນ, ພ້ອມກັນນັ້ນກໍ່ສະເໜີບັນດານະໂຍບາຍ, ມາດຕະການພັດທະນາມີລັກສະນະລະຫວ່າງເຂດ ປະກອບສ່ວນດຶງດູດແຫຼ່ງກຳລັງໃຫ້ແກ່ການພັດທະນາເສດຖະກິດ - ສັງຄົມຂອງທົ່ວປະເທດ.
ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ເນັ້ນໜັກວ່າ: ເພື່ອເສີມຂະຫຍາຍ ຄວາມສາມາດບົ່ມຊ້ອນ, ທ່າໄດ້ປຽບຢ່າງມີປະສິດທິຜົນ, ສູ້ຊົນກໍສ້າງແຂວງກວາງນິນກາຍເປັນແຂວງອຸດສາຫະກຳຕາມທິດທັນສະໄໝໃນປີ 2015 ໂດຍພື້ນຖານ, ພ້ອມກັບການປະຕິບັດບັນດາມາດຕະການທີ່ກອງປະຊຸມໃຫຍ່ອົງຄະນະພັກແຂວງໄດ້ວາງອອກຢ່າງຄົບຊຸດ, ທ່ານນາຍົກລັດຖະມົນຕີ ຫງວຽນເຕີນຢູງ ສະເໜີແຂວງກວາງນິນຄວນຮ່ວມມືຢ່າງແໜ້ນແຟ້ນກັບບັນດາກະຊວງ, ຂະແໜງການຂັ້ນສູນກາງ ແລະ ບັນດາທ້ອງຖີ່ນທີ່ກ່ຽວຂ້ອງເພື່ອປະຕິບັດບາງໜ້າທີ່ຈຸດສຸມເປັນຢ່າງດີ. ທ່ານນາຍົກລັດຖະມົນຕີ ຫງວຽນເຕີນຢູງ ເວົ້າວ່າ:
“ປຸກລະດົມທຸກໆແຫຼ່ງກຳລັງພາຍໃນ ແລະ ຕ່າງປະເທດ ເພື່ອສຸມໃສ່ລົງທຶນພັດທະນາລະບົບພື້ນຖານໂຄງລ່າງຢ່າງຄົບຊຸດ, ທັນສະໄໝ, ໃນນັ້ນໃຫ້ບຸລິມະສິດບັນດາກິດຈະກຳມີຄວາມໝາຍຍຸດທະສາດຄື: ບັນດາເສັ້ນທາງຄົມມະນາຄົມທາງບົກ ໂນ້ຍບ່າຍ - ຮ້າລອງ, ຮ້າລອງ - ມ໋ອງກ່າຍ.... ມີນະໂຍບາຍເໝາະສົມ, ສ້າງບັນດາບາດກ້າວບຸກທະລຸເພື່ອຮອດປີ 2015, ກວາງນິນ ກາຍເປັນແຂວງອຸດສາຫະກຳຕາມທິດທັນສະໄໝຕິດພັນກັບການປົກປັກຮັກສາຊັບພະຍາກອນ ແລະ ສິ່ງແວດລ້ອມໂດຍພື້ນຖານ”
ແລະກໍໃນຕອນເຊົ້າວັນດຽວກັນ, ທີ່ກອງປະຊຸມໄດ້ດຳເນີນພິທີລົງນາມບົດບັນທຶກຊ່ວຍຈຳການຮ່ວມມື ແລະ ມອບໃບຢັ້ງຢືນການລົງທຶນໃຫ້ແກ່ບັນດາໂຄງການຢູ່ແຂວງກວາງນິນ, ບົດບັນທຶກຊ່ວຍຈຳການຮ່ວມມືລະຫວ່າງແຂວງກວາງນິນ ແລະ ແຂວງຫຼວງພະບາງ...