(ພາບປະກອບ)
(vovworld) - ສ້າງຄວາມດຸນດຽງລະຫວ່າງນະໂຍບາຍຮັດເຂັ້ມຄັດ ແລະ ນະໂຍບາຍຟື້ນຟູລະດັບເຕີບໂຕເສດຖະກິດ ແມ່ນເນື້ອໃນຕົ້ນຕໍ່ໃນໂຄງການດຳເນີນງານຂອງກອງປະຊຸມສຸດຍອດສະຫະພາບເອີລົບ (EU) ເຊິ່ງຖືກໄຂຂຶ້ນໃນຕອນບ່າຍວັນທີ 14/03, ຢູ່ບຣຸກແສນ (ປະເທດແບນຊິກ). ໃນຂະນະທີ່ພື້ນຖານເສດຖະກິດໃຫຍ່ສຸດຂອງ EU ແມ່ນ ເຢຍລະມັນ ຮັກສາບັນດານະໂຍບາຍ “ຮັດເຂັ້ມຄັດ”, ຖືວ່ານີ້ແມ່ນມາດຕະການໜຶ່ງດຽວເພື່ອຮັບປະກັນການເຕີບໂຕຢ່າງແທ້ຈິ່ງນັ້ນ ຝລັ່ງ ແລະ ບາງປະເທດສະມາຊິກອື່ນໆພັດຢາກຜ່ອນຄາຍນະໂຍບາຍດັ່ງກ່າວ ເພື່ອຫຼຸດຜ່ອນກຳລັງດັນໃຫ້ແກ່ປະຊາຊົນ, ສ່ວນທ່ານປະທານ EU, Herman Van Rompuy ຢືນຢັນວ່າ ນັບທັງໄລຍະຮ້າຍແຮງທີ່ສຸດຂອງວິກິດການໜີ້ສິນໄດ້ຜ່ານໄປແລ້ວກໍຕາມ, ບັນດາການນຳຍັງຕ້ອງພົບປະກັນເພື່ອປຶກສາຫາລືມາດຕະການຮັບປະກັນຄວາມສະຖຽນລະພາບທາງສັງຄົມ. ທ່ານປະທານ EU, Herman Van Rompuy ໄດ້ຖືວ່າ ປະຈຸບັນບໍ່ແມ່ນຈຸດເວລາເພື່ອເລືອກເຟັ້ນລະຫວ່າງການ “ຮັດເຂັ້ມຄັດ” ກັບການເຕີບໂຕ, EU ຕ້ອງຍາດເອົາທ່າເຕີບໂຕໃນທຸກຂົງເຂດຄືນໃໝ່.