ບັນດາຜູ້ແທນເຂົ້າຮ່ວມພິທີໄຂກອງປະຊຸມ

ກອງປະຊຸມສະຫະພັນລັດຖະສະພາສາກົນ (IPU) ຄັ້ງທີ 146 ໄຂຂຶ້ນໃນວັນທີ 11 ມີນາ, ຢູ່ນະຄອນ Manama, ປະເທດ ບາເຣນ. ດ້ວຍຫົວຂໍ້ວ່າ “ຊຸກຍູ້ການດຳລົງຊີວິດໃນສັນຕິພາບ ແລະ ບັນດາສັງຄົມທີ່ເຊື່ອມໂຍງສຳລັບທຸກຄົນ: ຕ້ານການປະກົດບໍ່ໂອບເອື້ອອາລີ”, IPU – 146 ດຶງດູດການເຂົ້າຮ່ວມຂອງຜູ້ແທນປະມານ 2.000 ທ່ານທີ່ມາຈາກເກືອບ 140 ປະເທດ. ຄະນະຜູ້ແທນສະພາແຫ່ງຊາດ ຫວຽດນາມ ໂດຍທ່ານຮອງປະທານຜູ້ປະຈຳການສະພາແຫ່ງຊາດ ຫວຽດນາມ ເຈິ່ນແທັງເໝີນ ເປັນຫົວໜ້າຄະນະເຂົ້າຮ່ວມຂອງປະຊຸມ IPU 146.

        ທ່ານ Sheikh Khalid bin Abdullah Al Khalifa, ຮອງນາຍົກລັດຖະມົນຕີ ບາເຣນ ຕາງໜ້າໃຫ້ເຈົ້າຊີວິດ ບາເຣນ ກ່າວບົດປາໄສໄຂບັນດາກອງປະຊຸມຂອງ IPU 146. ທ່ານຮອງນາຍົກລັດຖະມົນຕີ ຢັ້ງຢືນບັນດາສິ່ງທ້າທາຍທົ່ວໂລກໃນປະຈຸບັນທີ່ໄດ້ວາງອອກໃຫ້ບັນດາການນຳ, ລັດຖະບານ ແລະ ສະພາແຫ່ງຊາດຂອງບັນດາປະເທດໃນໂລກ ຄວາມຮັບຜິດຊອບໃນການສ້າງລະບົບການເມືອງ, ຄວາມໝັ້ນຄົງ ແລະ ເສດຖະກິດທົ່ວໂລກໃຫ້ມີຄວາມຍຸຕິທຳ, ຄວາມສະເໝີພາບ ແລະ ຄວາມສາມັກຄີ. ບັນດາປະເທດຄວນຍູ້ແຮງການຮ່ວມມືສາກົນເພື່ອແນໃສ່ຮັກສາສັນຕິພາບ ແລະ ຄວາມໝັ້ນຄົງສາກົນ, ເຄົາລົບນັບຖືບັນດາຫຼັກການຂອງກົດບັດ ສປຊ ແລະ ກົດໝາຍສາກົນ.

        ໃນຂອບເຂດກອງປະຊຸມ, ບັນດາຄະນະຜູ້ແທນລັດຖະສະພາຈະແລກປ່ຽນ ແລະ ປຶກສາຫາລືກ່ຽວກັບບາງຫົວຂໍ້ລວມ, ຄື: ພ້ອມກັນດຳລົງຊີວິດໃນສັນຕິພາບ, ປ້ອງກັນຕ້ານການບຸກໂຈມຕີທາງອິນເຕີເນັດ ແລະ ອາດຊະຍາກຳ, ຫລຸດຜ່ອນການປ່ອຍອາຍພິດເຮືອນແກ້ວ ແລະ ການປ່ຽນແປງຂອງດິນຟ້າອາກາດ, ຕ້ານຂໍ້ມູນທີ່ບິດເບືອນບໍ່ມີມູນຄວາມຈິງ, ບັນດາເນື້ອໃນເປັນປໍລະປັກ ແລະ ຈຳແນກການປະພຶດໃນເຄືອຂ່າຍອິນເຕີເນັດ.