(vovworld) - ​ ຕອນ​ເຊົ້າ​ວັນ​ທີ 15/4, ຄະນະ​ປະຈຳ​ສະພາ​​ແຫ່ງ​ຊາດ ​ໄດ້​ໄຂ​ກອງ​ປະຊຸມ​ສະມາຊິກ​ສະພາ​ແຫ່ງ​ຊາດ​ສະ​ເພາະ​ກິດ. ກອງ​ປະຊຸມ​ຈະ​ໃຫ້​ຄຳ​ເຫັນ​ໃສ່​ຮ່າງ​ກົດໝາຍສຳຄັນ​ຈຳນວນໜຶ່ງ, ຄາດ​ວ່າຈະຍື່ນ​ສະ​ເໜີ​ຕໍ່​ສະພາ​ແຫ່ງ​ຊາດ​ພິຈາລະ​ລາ ​ແລະ ຮັບຮອງ​ເອົາ​ຢູ່​ກອງ​ປະຊຸມສະ​ໄໝ​ສາມັນ​ເທື່ອ​ທີ 9 ຈະ​ມາ​ເຖິງ. ກ່າວ​ຄຳ​ເຫັນ​ໄຂ​ກອງ​ປະຊຸມ, ທ່ານ​ປະທານ​ສະພາ​ແຫ່ງ​ຊາດ ຫງວຽນ​ຊິງ​ຮຸ່ງ ​ໃຫ້​ຮູ້​ວ່າ: ຍັງ​ມີ​ເວລາ​ພຽງ 1 ​ເດືອນອີກ, ສະພາ​ແຫ່ງ​ຊາດ​ຈະ​ໄຂ​ ກອງ​ປະຊຸມສະ​ໄໝ​ສາມັນ​ເທື່ອ​ທີ 9 ​ແລະ ທ່ານຕີ​ລາຄາ​ສູງ​ຄວາມ​ມານະ​ພະຍາຍາມ​ຂອງ​ບັນດາ​ອົງການ​ລັດຖະບານ, ​ອົງການ​ທີ່​ກ່ຽວຂ້ອງຕ່າງໆ ​ທີ່ໄດ້​ມານະ​ພະຍາຍາມ​ສົມທົບ​ກັບ​ບັນດາ​ອົງການ​ຂອງ​ສະພາ​ແຫ່ງ​ຊາດ​ສ້າງ​​ຮ່າງ​ກົດໝາຍຫຼາຍ​ສະບັບ, ພິ​ເສດ​ແມ່ນ​ຜັນ​ຂະຫຍາຍ​ການ​ປະຕິບັດ​ລັດຖະທຳ​ມະນູນ​ປີ 2013. ທ່ານ​ປະທານ​ສະພາ​ແຫ່ງ​ຊາດ ຫງວຽນ​ຊິງ​ຮຸ່ງ ຊີ້​ແຈ້ງວ່າ: ທີ່​ກອງ​ປະຊຸມ​ນີ້, ບັນດາສະມາຊິກຈະ​ໃຫ້​ຄຳ​ເຫັນ​ໃສ່​ຮ່າງ​ນິຕິ​ກຳ 4 ສະບັບ ​ເຊິ່ງລວມມີ: ຮ່າງ​ກົດໝາຍ​ປະກາດ​ໃຊ້​ເອກະສານ​ກົດໝາຍ, ກົດໝາຍ​ວ່າ​ດ້ວຍ​ລັດຖະບານ (ສະ​ບັບປັບປຸງ); ກົດໝາຍ​ວ່າ​ດ້ວຍ​ອຳນາດ​ການ​ປົກຄອງ​ທ້ອງ​ຖິ່ນ ​ແລະ ກົດໝາຍ​ວ່າ​ດ້ວຍ​ງົບປະມານ​ແຫ່ງ​ລັດ (ສະບັບ​ປັບປຸງ). ​ສະ​ເພາະ​​ຮ່າງ​ກົດໝາຍວ່າ​ດ້ວຍ​ອຳນາດ​ການ​ປົກຄອງ​ທ້ອງ​ຖິ່ນ,​ ຄາດ​ວ່າບັນດາ​ສະມາຊິກຈະ​​ສະຫງວນ​ເວລາ 1 ວັນ ​ເພື່ອ​ປຶກສາ​ຫາລື.

            ພາຍຫຼັງ​ໄຂ​ກອງ​ປະຊຸມ, ຕອນ​ເຊົ້າ, ບັນດາ​ສະມາຊິກປຶກສາ​ຫາລື​ກ່ຽວ​ກັບ​ບາ​ງ ບັນຫາ​​ໃຫຍ່,​ ທີ່ຍັງ​ມີ​ຄວາມ​ເຫັນ​ທີ່​ແຕກ​ຕ່າງ​ກັນ​ຂອງ​ຮ່າງ​ກົດໝາຍ​ປະກາດ​ໃຊ້​ເອກະສານ​ນິຕິ​ກຳ ​ເຊິ່ງລວມມີ​ຂອບ​ເຂດ​ປັບປຸງ ​ແລະ ຊື່​ເອີ້ນ​ຂອງ​ກົດໝາຍ; ສິດ​​ປະກາດ​ໃຊ້​ເອກະສານ​ນິຕິ​ກຳ​ຂອງ​ອຳນາດ​ການ​ປົກຄອງ​ທ້ອງ​ຖິ່ນ ​ແລະ ​ອົງການ​ຈັດ​ຕັ້ງ​ອື່ນໆ; ກ່ຽວ​ກັບ​ຂໍ້​ສະ​ເໜີ​ ສະ​ເໜີກ່ຽວ​ກັບ​ກົດໝາຍ, ລັດຖະບັນ​ຍັດ​ຂອງ​ສະມາຊິກ​ສະພາ​ແຫ່ງ​ຊາດ ​ແລະ ການ​ອະພິປາຍ,  ຮັບ​​ເອົາ​ຄຳ​ເຫັນ, ປັບປຸງ​ຮ່າງ​ກົດໝາຍ, ລັດຖະບັນຍັດ, ມະຕິ.

    ຕາມ​ການ​ຄາດ​ຄະ​ເນ​ແລ້ວ, ກອງ​ປະຊຸມ​ດັ່ງກ່າວ​ຈະ​ດຳ​ເນີນຮອດ​ວັນ​ທີ 17/4/2015.