(vovworld) - ວັນທີ 25 ກັນຍາ, ບັນດາສະມາຊິກສະພາແຫ່ງຊາດສະເພາະກິດ ເລີ່ມເຂົ້າຮ່ວມກອງປະຊຸມເປັນເວລາ 2 ວັນ ຢູ່ຮ່າໂນ້ຍ, ເພື່ອໃຫ້ຄຳເຫັນໃສ່ 2 ເນື້ອໃນສຳຄັນນັ້ນແມ່ນຮ່າງລັດຖະທຳມະນູນປີ 1992 (ສະບັບປັບປຸງ) ແລະ ຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ກອນທີ່ຍື່ນສະເໜີຕໍ່ກອງປະຊຸມຄັ້ງທີ 6, ຄາດວ່າຈະໄຂຂຶ້ນໃນວັນທີ 21 ຕຸລາ ຈະມາເຖິງ. ກ່າວປາໄສໄຂກອງປະຊຸມ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ສະແດງຄວາມປາດຖະໜາວ່າ ບັນດາສະມາຊິກສະພາແຫ່ງຊາດຈະປະກອບຄຳເຫັນເພື່ອໃຫ້ຮ່າງລັດຖະທຳມະນູນປີ 1992 (ສະບັບປັບປຸງ) ແລະ ຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ບັນລຸໄດ້ຄວາມຮຽກຮ້ອງຕ້ອງການສຸງສຸດກ່ຽວກັບດ້ານຄຸນນະພາບ.
ວັນທີ 25 ກັນຍາ ນີ້, ບັນດາສະມາຊິກສະພາແຫ່ງຊາດໄດ້ຊຸມໃສ່ປະກອບຄຳເຫັນໃສ່ຮ່າງລັດຖະທຳມະນຸູນປີ 1992 (ສະບັບປັບປຸງ) ດ້ວຍບັນດາເນື້ອໃນຕົ້ນຕໍ່ຄື: ບົດບາດຊີ້ນຳ, ນຳພາຂອງພັກ, ບົດບາດຂອງແນວໂຮມປະເທດຊາດ, ກຳມະບານ, ບັນດາພາກສ່ວນເສດຖະກິດ ແລະ ບົດບາດແກ່ນສານຂອງເສດຖະກິດແຫ່ງລັດ... ຕາງໜ້າຄະນະຮຽບຮຽງປັບປຸງລັດຖະທຳມະນຸນ, ທ່ານ ຟານຈຸງລີ໋, ຫົວໜ້າກຳມາທິການກົດໝາຍຂອງສະພາແຫ່ງຊາດ ສະເໜີໃຫ້ບັນດາສະມາຊິກສະພາແຫ່ງຊາດປຶກສາຫາລືຢ່າງລະອຽດ, ສະແດງທັດສະນະຂອງຕົນເພື່ອສ້າງພື້ນຖານໃຫ້ແກ່ເລື່ອງສືບຕໍ່ການປັບປຸງຮ່າງລັດຖະທຳມະນູນປີ 1992 (ສະບັບປັບປຸງ) ກ່ອນທີ່ຍື່ນສະເໜີຕໍ່ກອງປະຊຸມສະໄໝສາມັນເທື່ອທີ່ 6 ສະພາແຫ່ງຊາດຫວຽດນາມ ຊຸດທີ 13. ວັນທີ 26 ກັນຍາ, ບັນດາສະມາຊິກສະພາແຫ່ງຊາດຈະປຶກສາຫາລືຮ່າງກົດໝາຍວ່າດ້ວຍທີ່ດິນ (ສະບັບປັບປຸງ).