ພາບປະກອບ: internet
|
(vovworld) - ກອງປະຊຸມສາກົນໂດຍ ອີຣານ ເປັນເຈົ້າພາບ ຖືກໄຂຂຶ້ນຢູ່ນະຄອນຫລວງ ເຕເຮຣານ ໃນວັນທີ 9/8 ໂດຍມີການເຂົ້າຮ່ວມຂອງຜູ້ແທນທີ່ມາຈາກເກືອບ 30 ປະເທດ ໄດ້ປຶກສາຫາລືກ່ຽວກັບການປະທະກັນຢູ່ ຊີຣີ . ກ່າວຄຳປາໄສໄຂກອງປະຊຸມ, ທ່ານ Ali Akbar Salehi ລັດຖະມົນຕີການຕ່າງປະເທດ ອີຣານ ໄດ້ຮຽກຮ້ອງດຳເນີນການໂອ້ລົມສົນທະນາລະຫວ່າງລັດຖະບານ ຊີຣີ ແລະ ຝ່າຍຄ້ານ ພ້ອມທັງກ່າວເຕືອນວ່າ ການໂອ້ລົມສົນທະນາຊົນຊາດ ແມ່ນວິທີຫນຶ່ງດຽວເພື່ອແກ້ໄຂວິກິດການການເມືອງຢູ່ປະເທດຕາເວັນອອກກາງນີ້. ທ່ານ Salehi ເນັ້ນຫນັກວ່າ: ເຕເຮຣານ ປະຕິເສດທຸກການແຊກແຊງຂອງຕ່າງປະເທດຫລືການກະທຳທາງການທະຫານໃດໆທີ່ມີຕໍ່ຊີຣີ ແລະ ສະຫນັບສະຫນູນບັນດາຄວາມມານະພະຍາຍາມຂອງສະຫະປະຊາຊາດເພ່ືອແກ້ໄຂວິກິດການການເມືອງຢູ່ປະເທດນີ້. ໃນວັນດຽວກັນ, ກຳລັງລຸກຮືຂຶ້ນຂອງທະຫານເສລີ ຊີຣີ ໄດ້ຖອນກຳລັງທັງໝົດອອກຈາກເມືອງ Salaheddin ຢູ່ ນະຄອນ Aleppo ຢູ່ພາກເຫນືອ ຊີຣີ./.