ພາບປະກອບ: internet
|
(vovworld)- ວັນທີ 9/8, ສະພາມະຫາບັນດີດວິທະຍາສາດສັງຄົມຫວຽດນາມ ໄດ້ຈັດຕັ້ງກອງປະຊຸມສຳມະນາທີ່ມີຫົວຂໍ້ວ່າ: “ພື້ນຖານທິດສະດີ ແລະ ພຶດຕິກຳ ຂອງການຮ່ວມມືຂ້າມຊາຍແດນ ແລະ ບົດບາດຂອງເຂດໄຕງວຽນ ໃນເຂດສາມຫລ່ຽມພັດທະນາ ຫວຽດນາມ, ລາວ ແລະ ກຳປູເຈຍ. ທີ່ກອງປະຊຸມສຳມະນາ, ບັນດານັກຄົ້ນຄ້ວາມາຈາກຫລາຍອົງການລ້ວນແຕ່ເນັ້ນຫນັກເຖິງຄວາມສຳຄັນກ່ຽວກັບບົດບາດ, ທ່ີຕັ້ງຂອງໄຕງວຽນໃນເຂດສາມຫລ່ຽມພັດທະນາ ຫວຽດນາມ - ລາວ ແລະ ກຳປູເຈຍ. ບັນດານັກວິທະຍາສາດຊີ້ແຈ້ງດ້ານດີ, ທ່າໄດ້ປຽບ ແລະ ນັບທັງຄວາມຫຍຸ້ງຍາກໃນການພັດທະນາຂອງບັນດາແຂວງຢູ່ເຂດໄຕງວຽນ ກໍຄືຍູ້ແຮງການຮ່ວມມືເຂດຊາຍແດນລະຫວ່າງສາມປະເທດ. ບັນດາປັດໄຈພາວະວິໄສສ້າງເປັນຄວາມສະດວກໃນການຮ່ວມມື ແມ່ນທ່າອ່ຽງຮ່ວມສຳພັນການຮ່ວມມືພາກພື້ນ, ຄວາມຕ້ອງການຂອງບັນດາຝ່າຍ, ຈຸດຄ້າຍຄືກັນກ່ຽວກັບພູມີສາດ, ເສດຖະກິດການເມືອງ, ວັດທະນະທຳ, ສັງຄົມ, ຄວາມສາມາດບົ່ມຊ້ອນ ແລະ ທ່າໄດ້ປຽບກ່ຽວກັບຊັບພະຍາກອນ. ເພື່ອຊຸກຍູ້ການຮ່ວມມືຂ້າມຊາຍແດນ, ບັນດາຜູ້ແທນຖືວ່າ ຫວຽດນາມ ຕ້ອງຖືເຂດໄຕງວຽນ ແມ່ນເຂດສ້າງການເຕີບໂຕຕົ້ນຕໍ, ແມ່ນແຫ່ງດຶງດູດແຮງງານ ແລະ ແມ່ນກຳລັງຫນູນໃຫ້ແກ່ເຂດສາມຫລ່ຽມພັດທະນາ. ຫວຽດນາມ ຕ້ອງມີກົນໄກພິເສດສະເພາະເພື່ອແກ້ໄຂບັນດາບັນຫາຢູ່ເຂດ ໄຕງວຽນຜ່ານບັນດານະໂຍບາຍກ່ຽວກັບເຂດຊາຍແດນຂອງບັນດາປະເທດ ບົນພື້ນຖານສາມັກຄີ, ຮ່ວມມື ລະຫວ່າງບັນດາປະເທດ.