(ພາບ:dantri.com.vn)
(VOV)- ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ 7 ສະມາຄົມພຸດທະສາສະໜາຫວຽດນາມ ດ້ວຍຫົວຂໍ້ “ສືບທອດ-ສະຖຽນລະພາບ-ພັດທະນາ“ ໄດ້ໄຂຂຶ້ນໃນຕອນເຊົ້າວັນທີ 23/11 ຢູ່ຮ່າໂນ້ຍ. ກ່າວຄຳເຫັນທີ່ກອງປະຊຸມໃຫ່ຍ, ທ່ານຮອງນາ ຍົກລັດຖະມົນຕີຫງວຽນຊວນຟຸກ ຊີ້ແຈງວ່າ: ກອງປະຊຸມໃຫ່ຍພຸດທະສາສະໜາພຸດທົ່ວປະເທດຄັ້ງທີ 7 ແມ່ນເຫດການທາງສາສະໜາສຳຄັນຍິ່ງ ໃນຊີວິດດ້ານຈິດໃຈ ແລະ ການເຫຼື້ອມໃສຂອງປະຊາຊົນຜູ້ຖືສາສະໜາພຸດບໍ່ພຽງແຕ່ຢູ່ພາຍໃນ ແລະ ຕ່າງປະເທດເທົ່ານັ້ນ, ຫາກຍັງດຶງດູດຄວາມສົນໃຈຂອງຊາວຫວຽດນາມ ຜູ້ຖືສາສະໜາພຸດຢູ່ຕ່າງປະເທດເປັນຈຳນວນຫຼວງຫຼາຍອີກດ້ວຍ. ທ່ານຮອງນາຍົກລັດຖະມົນຕີຫງວຽນຊວນຟຸກ ຢັງຢືນວ່າ:ໃນທຸກສະພາບການຂອງປະເທດຊາດ, ຍາມໃດສາສະໜາພຸດຫວຽດນາມ ກໍ່ຢັ້ງຢືນໄດ້ທີ່ຕັ້ງຂອງຕົນໃນປະເທດຊາດ. ທ່ານຮອງນາຍົກລັດຖະມົນຕີຫງວຽນຊວນຟຸກ ຊີ້ແຈງວ່າ:
“ຍາມໃດພັກ ແລະ ລັດກໍ່ມີຄວາມເຊື່ອໝັ້ນ ແລະ ປາດຖະໜາວ່າ, ໃນອາຍຸການຈະມາເຖິງ, ດ້ວຍພູມປັນສາຂອງສາສະໜາພຸດ, ດ້ວຍຈິດໃຈສາມັກຄີຂອງພະສົງສາມະເນັນ, ພຸດທະສາສະນິກກະຊົນ, ດ້ວຍທິດທາງສະໜິດຕິດພັນ, ພ້ອມກັບປະເທດຊາດ ແລະ ເສີມຂະຫຍາຍມູນເຊື້ອຂອງພຸດທະສາສະໜາຫວຽດນາມ. ສະມາຄົມພຸດທາສາສະໜາຫວຽດນາມ ຈະສືບຕໍ່ແມ່ນຂົວເຊື່ອມທີ່ຕໍ່ສຳຄັນລະຫວ່າງພຸດທະສາສະນິກກະຊົນຫວຽດນາມ ຢູ່ຕ່າງປະເທດ, ບັນດາສະມາຄົມພຸດທະສາສະນິກກະຊົນຫວຽດນາມ ຢູ່ຕ່າງປະເທດ ຮ່ວມແຮງຮ່ວມໃຈ, ພ້ອມກັບສະມາຄົມພຸດທະສາສະໜາຫວຽດນາມ ປະກອບສ່ວນສ້າງສາ ແລະ ພັດທະນາປະເທດຊາດຫວຽດນາມ ໃຫ້ຮັ່ງມີເຂັ້ມແຂງ“
ທ່ານຮອງນາຍົກລັດຖະມົນຕີຫງວຽນຊວນຟຸກ ສະເໜີໃຫ້ອົງຄະນະພັກ, ອຳນາດການປົກຄອງທົ່ວປະເທດ ຈົ່ງມີຄວາມເອົາໃຈໃສ່ກ່ວາອີກເຖິງວຽກງານໂຄສະນາ, ເຜີຍແຜ່ແນວທາງນະໂຍບາຍຂອງພັກ, ລັດ, ແນະນຳ, ຊ່ວຍເຫຼືອ, ສ້າງເງື່ອນໄຂສະດວກໃຫ້ສາສະໜາເວົ້າລວມ, ສາສະໜາພຸດເວົ້າສະເພາະ ດຳເນີນການເຄື່ອນໄຫວຢ່າງເສລີໃນຂອບເຂດກົດໝາຍ, ສ້າງສະພາບແວດລ້ອມແຫ່ງການດຳເນີນຊີວິດທາງສາສະໜາເປັນປົກກະຕິ, ປອດໄສໃນທົ່ວປະເທດ
ໃນການເຮັດວຽກເປັນເວລາສອງວັນ, ກອງປະຊຸມໃຫ່ຍຈະດຳເນີນການສະຫລຸບວຽກງານພຸດທະສາສະໜາອາຍຸການທີ 6 (2007-2012), ປຶກສາຫາລື, ຮັບຮອງເອົາໂຄງການເຄື່ອນໄຫວອາຍຸການທີ 7 (2012-2017). ກອງປະຊຸມໃຫ່ຍຈະພິຈາລະນາ, ຮັບຮອງເອົາກົດບັດສະມາຄົມພຸດທະສາສະໜາຫວຽດນາມ ສະບັບປັບປຸງເທື່ອທີ 5; ຮັບຮອງເອົາບັນດາເອກະສານສຳຄັນທີ່ກ່ຽວຂ້ອງເຖິງສະມາຄົມພຸດທະສາສະໜາຫວຽດນາມ ແລະ ພະສົງສາມະເນັນ, ພຸດທະສາສະນິກກະຊົນພາຍໃນ ແລະ ຕ່າງປະເທດ.