(ໄຂກອງປະຊຸມໃຫຍ່ອົງຄະນະພັກແຂວງຮ່ວາບິ່ງຄັ້ງທີ 16)
(vovworld) - ດ້ວຍຫົວຂໍ້ວ່າ:“ສືບຕໍ່ຍົກສູງກຳລັງຄວາມສາມາດນຳພາ ແລະ ກຳລັງສູ້ຮົບຂອງອົງຄະນະພັກ, ເສີມຂະຫຍາຍກຳລັງແຮງສາມັກຄີບັນດາເຜົ່າ; ລະດົມທຸກແຫຼ່ງກຳລັງເພື່ອພັດທະນາເສດຖະກິດສັງຄົມຢ່າງໄວ, ໝັ້ນຄົງ; ສູ້ຊົນນຳເສດຖະກິດແຂວງ ຮ່ວາບິ່ງ ໃຫ້ພັດທະນາໃນລະດັບປານກາງຂອງທົ່ວປະເທດ“.ກອງປະຊຸມໃຫຍ່ອົງຄະນະພັກແຂວງ ຮ່ວາບິ່ງ ຄັ້ງທີ16 ໄລຍະ 2015-2020 ໄດ້ໄຂຂຶ້ນໃນຕອນເຊົ້າວັນທີ 15/9, ຢູ່ນະຄອນ ຮ່ວາບິ່ງ. ກ່າວຄວາມເຫັນນະທີ່ນີ້, ທ່ານປະທານປະເທດ ເຈືອງເຕິ໋ນຊາງ, ເນັ້ນໜັກວ່າ:
“ຮ່ວາບິ່ງຄວນສືບຕໍ່ຍູ້ແຮງການປະຕິບັດຍຸດທະສາດ, ສ້າງໂຄງປະກອບຄືນໃໝ່, ປ່ຽນໃໝ່ຮູບແບບເຕີບໂຕເສດຖະກິດ. ຮ່ວາບິ່ງ ຄວນບຸລິມະສິດແກ່ການລົງທຶນຢ່າງເໝາະສົມໃຫ້ແກ່ການປັບປຸງ, ສ້າງລະບົບພື້ນຖານໂຄງລ່າງຄົບຊຸດ, ປັບປຸງ, ຍົກລະດັບບັນດາເສັ້ນທາງຄົມມະນາຄົມ, ລະບົບຕາໜ່າງໄຟຟ້າ, ບັນດາກິດຈະກຳຊົນລະປະທານ, ຮັບປະກັນມີນຳ້ຢ່າງພຽງພໍໃຫ້ແກ່ການຜະລິດ ແລະ ການດຳເນີນຊີວິດຂອງປະຊາຊົນ. ນອກນັ້ນ ຮ່ວາບິ່ງ ກໍ່ຕ້ອງເອົາໃຈໃສ່ເຖິງການພັດທະນາການສຶກສາ, ຍົກສູງຄຸນນະພາບແຫຼ່ງຊັບພະຍາກອນມະນຸດ, ຍູ້ແຮງການປະຕິຮູບດ້ານການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ເພື່ອດຶງດູດແຫຼ່ງທຶນທັງຢູ່ພາຍໃນ ແລະ ຕ່າງປະເທດຢ່າງແຮງ“.
ທ່ານປະທານປະເທດຍັງໃສ່ໃຈແຂວງ ຮ່ວາບິ່ງ ຄວນສືບຕໍ່ປັບປຸງ, ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ, ກໍ່ສ້າງທ່າຮົບທົ່ວປວງຊົນ ປ້ອງກັນປະເທດ, ປະຊາຊົນປ້ອງກັນຄວາມສະຫງົບ; ຮັກສາສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ຄົ້ນເຫັນ ແລະ ແກ້ໄຂບັນດາບັນຫາທີ່ສັບສົນຢ່າງທັນການ, ປະຕິບັດນະໂຍບາຍສາສະໜາ, ຊົນເຜົ່າເປັນຢ່າງດີ.