(vovworld) – ດ້ວຍຫົວຂໍ້ວ່າ “ສ້າງໂຄງປະກອບການສື່ສານໂຄສະນາຄືນໃໝ່”, ກອງປະຊຸມໃຫຍ່ໂຄສະນາ ອາຊີ (AdAsia) ຄັ້ງທີ 28 ໄຂຂຶ້ນໃນຕອນຄຳ່ວັນທີ 11/11, ຢູ່ ຮ່າໂນ້ຍ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ, ພ້ອມກັບບັນດາຜູ້ຕາງໜ້າບາງກະຊວງ, ຂະແໜງການຂອງ ຫວຽດນາມ ແລະ ຜູ້ແທນກ່ວາ 400 ທ່ານທີ່ມາຈາກຫຼາຍປະເທດ ແລະ ເຂດແຄ້ວນເຊິ່ງແມ່ນສະມາຊິກຂອງສະຫະພັນສະຫະສະມາຄົມໂຄສະນາ ອາຊີ (AFAA) ໄດ້ເຂົ້າຮ່ວມ. ກ່າວຄຳເຫັນທີ່ພິທີໄຂ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ເນັ້ນໜັກວ່າ: ປະຈຸບັນ, ຢູ່ ຫວຽດນາມ ມີອົງການສື່ສານນັບຮ້ອຍແຫ່ງ, ຫົວໜ່ວຍດຳເນີນທຸລະກິດບໍລິການໂຄສະນາດ້ວຍບັນດາພາຫະນະທັນສະໄໝນັບພັນແຫ່ງ, ໄດ້ປະກອບສ່ວນສຳຄັນເຂົ້າໃນການຊຸກຍູ້ພື້ນຖານເສດຖະກິດຂອງ ຫວຽດນາມ ໃນວິວັດການເຊື່ອມໂຍງ. ພິເສດ, ສະພາແຫ່ງຊາດ ຫວຽດນາມ ຫາກໍ່ຮັບຮອງເອົາກົດໝາຍວ່າດ້ວຍການໂຄສະນາດ້ວຍຫຼາຍຂໍ້ກຳນົດທີ່ສະດວກກ່ວາ, ພວມກ້າວເຂົ້າສູ່ຊີວິດ, ສ້າງກາລະໂອກາດຄວາມສະດວກສະບາຍໃຫ້ບັນດານັກລົງທຶນເຂົ້າຮ່ວມຕະຫຼາດໂຄສະນາຂອງ ຫວຽດນາມ. ດັ່ງນັ້ນ, ສຳລັບ ຫວຽດນາມ ແລ້ວ, ກອງປະຊຸມໃຫຍ່ໂຄສະນາ ອາຊີ ຄັ້ງທີ 28 ແມ່ນກາລະໂອກາດທີ່ດີເພື່ອໃຫ້ບັນດາອົງການຖະແຫຼງຂ່າວໂຄສະນາ, ບັນດາວິສາຫະກິດ ຫວຽດນາມ ສຳພັດ, ຮ່ວມສຳພັນ, ຮຳ່ຮຽນ ແລະ ທ່ວງທັນກັບພື້ນຖານອຸດສາຫະກຳໂຄສະນາທັນສະໄໝຂອງ ອາຊີ ແລະ ໂລກ.
ໃນຂອບເຂດ AdAsia 2013, ແຕ່ວັນທີ 12 – 14/11, ໄດ້ດຳເນີນກອງປະຊຸມສຳມະນາສາກົນຄັ້ງຕ່າງໆ ກ່ຽວກັບສະຖານະການເສດຖະກິດທົ່ວໂລກກັບການສື່ສານໂຄສະນາ.