ໄຂການເຈລະຈາລະຫວ່າງອິນເດຍ - ອາຊຽນ ຄັ້ງທີ 5 ຢູ່ New Delhi
ການເຈລະຈາປະຈຳປີລະຫວ່າງອິນເດຍ - ASEAN ຄັ້ງທີ 5
(ພາບ: vietnamplus.vn)
(vovworld) - ການເຈລະຈາປະຈຳປີລະຫວ່າງອິນເດຍ - ສະຫະສະມາຄົມປະຊາຊາດອາຊີຕາເວັນອອກສຽງໃຕ້ (ASEAN) ຄັ້ງທີ 5 ໄດ້ໄຂຂຶ້ນໃນວັນທີ 19/02, ຢູ່ນະຄອນຫຼວງ New Delhi, ປະເທດອິນເດຍ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີການຕ່າງປະເທດ ຟ້າມກວາງວິງ ນຳໜ້າ ໄດ້ເຂົ້າຮ່ວມການເຈລະຈາ. ໃນການເຮັດວຽກເປັນເວລາ 2 ວັນ, ການເຈລະຈາລະຫວ່າງອິນເດຍ - ອາຊຽນ ຄັ້ງທີ 5 ໄດ້ສຸມໃສ່ປຶກສາຫາລືບັນດາຫົວຂໍ້ “ຮ່ວມມືປ້ອງກັນຄວາມສະຫງົບລະຫວ່າງອີນເດຍ - ອາຊຽນ: ກ້າວໄປເຖິງສັນຕິພາບ ແລະ ສະຖຽນລະພາບ”, “ການຮ່ວມມືລະຫວ່າງບັນດາປະເທດກຳປູເຈຍ, ລາວ, ມຽນມາ, ຫວຽດນາມ ແລະ ເຂດທາງທິດຕາເວັນອອກສຽງເໜືອອີນເດຍ: ບັນດາກາລະໂອກາດ ແລະ ສິ່ງທ້າທາຍ”, “ເປີດກວ້າງບັນດາເຄືອຂ່າຍຜ່ານການເຊື່ອມຕໍ່: ທາງບົກ, ທາງທະເລ ແລະ ທາງອາກາດ”. ທ່ານລັດຖະມົນຕີການຕ່າງປະເທດອີນເດຍ Salman Khurhid ເນັ້ນໜັກວ່າ ຫົວຂໍ້ຂອງການເຈລະຈາຄັ້ງນີ້ແມ່ນ “ອິນເດຍ - ອາຊຽນ: ວິໄສທັດກ່ຽວກັບຄູ່ຮ່ວມມື ແລະ ຄວາມວັດທະນາຖາວອນ” ໄດ້ຊີ້ແຈ້ງຄວາມປາດຖະໜາລວມຂອງອິນເດຍ ແລະ ອາຊຽນ ໃນການຍູ້ແຮງການພົວພັນຄູ່ຮ່ວມມືຍຸດທະສາດເພື່ອສັນຕິພາບ, ຄວາມກ້າວໜ້າ ແລະ ວັດທະນາຖາວອນລວມ. ທີ່ການເຈລະຈາ, ທ່ານເລຂາທິການໃຫຍ່ອາຊຽນ ເລເລືອງມິງ ໄດ້ສະເໜີໃຫ້ບັນດາເຈົ້າໜ້າທີ່ອາຊຽນ ແລະ ອີນເດຍ ດຳເນີນການຕີລາຄາໄລຍະກາງກ່ຽວກັບການປະຕິບັດແຜນການເຄື່ອນໄຫວ ແລະ ວິວັດການເຄື່ອນໄຫວລວມແຕ່ນີ້ຮອດປີ 2015.