ຄະນະຈັດຕັ້ງລາຍການ
|
(vovworld) – ຕອນຄ່ຳວັນທີ 28/11, ຢູ່ ຮ່າໂນ້ຍ, ໄດ້ໄຂການເສັງຜູ້ມີຄວາມເກັ່ງກ້າສາມາດດ້ານດົນຕີທົ່ວປະເທດ 2016. ດ້ວຍຜູ້ເຂົ້າຮ່ວມສອບເສັງກ່ວາ 60 ຄົນໃນທົ່ວປະເທດ, “ການເສັງຄວາມສາມາດບົ່ມຊ້ອນດ້ານດົນຕີທົ່ວປະເທດ - 2016” ເພື່ອແນໃສ່ຊອກຫາຜູ້ມີຄວາມເກັ່ງກ້າສາມາດ, ສົ່ງເສີມ, ລະດົມກຳລັງໃຈ ແລະ ເຊີດຊູບັນດານັກນັກສິລະປິນໜຸ່ມມີການປະກອບສ່ວນຫຼາຍຢ່າງສຳລັບສິລະປະດົນຕີ. ນີ້ກໍ່ແມ່ນໂອກາດເພື່ອໃຫ້ບັນດານັກສິລະປິນໄດ້ພົບປະ, ແລກປ່ຽນ, ຮ່ຳຮຽນເຊິ່ງກັນ ແລະ ກັນກ່ຽວກັບທຸກໆດ້ານໃນວິວັດການເຄື່ອນໄຫວສິລະປະ. ທ່ານ ເວືອງຢູຍບຽນ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ, ໃຫ້ຮູ້ວ່າ:
“ຮ້ອງເພງແມ່ນສິລະປະມະຫາຊົນ, ແມ່ນປະເພດສິລະປະສະຫງວນໃຫ້ທຸກໆຄົນ, ແຕ່ຮ້ອງເພງກໍ່ຮຽກຮ້ອງໃຫ້ນັກສິລະປິນຕ້ອງອອກແຮງຝຶກຝົມເປັນເວລາຫຼາຍປີໃນໂຮງຮຽນ, ແລະ ຄ່ອຍເຕີບໃຫຍ່ຂຶ້ນໃນເວທີສະແດງຈຶ່ງສາມາດບັນລຸໄດ້ບັນດາຜົນງານ, ເຊິ່ງມະຫາຊົນຮັບຮູ້. ຂ້າພະເຈົ້າຫວັງວ່າ, ນີ້ຈະແມ່ນບັນດາການທ້າທາຍທຳອິດໃນເສັ້ນທາງບັນລຸສຸດຈຸດຍອດເຊິ່ງສິລະປະຂອງພວກນ້ອງ, ບັນດານັກສິລະປິນດົນຕີໜຸ່ມຈະຜ່ານຜ່າ, ຮັບເອົາບັນດາບົດຮຽນ ແລະ ເກັບກ່ຽວໄດ້ຫຼາຍຜົນງານກ່ວາອີກ”