(vovworld) – ຕອນເຊົ້າວັນທີ 12/7, ຢູ່ບ້ານວັດທະນະທຳ - ທ່ອງທ່ຽວບັາດາເຜົ່າຫວຽດນາມ, ທີ່ຮ່າໂນ້ຍ, ຄ້າຍພັກແລ້ງຫວຽດນາມ 2012 ໄດ້ຖືກໄຂຂຶ້ນຢ່າງເປັນທາງການດ້ວຍຫົວຂໍ້ວ່າ “ກັບເມືອເຂດດິນແດງ”. ນີ້ແມ່ນຫົວຂໍ້ເພື່ອແນໃສ່ລະນຶກ 60 ປີແຫ່ງວັນຄ້າຍວັນເກີດຂອງນັກຮົບວິລະຊົນຍິງ Vo Thi Sau, 150 ປີແຫ່ງວັນຄຸກ ກົນດາວ ແລະ 65 ປີແຫ່ງວັນທະຫານເສຍອົງຄະນັກຮົບເສຍສະຫຼະຊີວິດເພື່ອຊາດ. ມີຜູ້ແທນຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດ 170 ຄົນທີ່ມາຈາກ 25 ປະເທດ ແລະ ເຂດແຂວ້ນໃນໂລກພ້ອມກັນເຂົ້າຮ່ວມເຫດການນີ້. ກ່າວຄຳເຫັນທີ່ພິທີໄຂ, ທ່ານຮອງລັດຖະມົນຕີການຕ່າງປະເທດ, ຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ Nguyen Thanh Son ໄດ້ເນັ້ນໜັກວ່າ ຍາມໃດຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດກໍແມ່ນປັດໃຈຜູກຮັດວົງຄະນະຍາດແຫ່ງຊາດ, ຮັກສາພາສາຫວຽດນາມ, ຮັກສາມູນເຊື້ອອັນດີງາມຂອງບ້ານເກີດເມືອງນອນ ເຖິງວ່າຈະດຳລົງຊີວິດຢູ່ແຫ່ງໃດກໍຕາມ. ທ່ານຮອງລັດຖະມົນຕີ Nguyen Thanh Son ໃຫ້ຮູ້ວ່າ.
“ລາຍການຄ້າຍພັກແລ້ງແມ່ນຈຸດນັດພົບຂອງຊາວໜຸ່ມຫວຽດນາມ ອາໄສຢູ່ຕ່າງປະເທດກັບຊາວໜຸ່ມຫວຽດນາມ ພາຍໃນປະເທດ. ການເຄື່ອນໄຫວນີ້ຈະແມ່ນໂອກາດເພື່ອໃຫ້ພວກນ້ອງຄົ້ນຫາບັນດາມໍລະດົກທີ່ມີຮູບຮ່າງ ແລະ ບໍ່ມີຮູບຮ່າງ, ສະແດງອາລົມຈິດຂອງຕົນຕໍ່ບັນດານັກຮົບວິລະຊົນແຫ່ງຊາດ, ຜູ້ມີຄຸນງາມຄວາມດີຕໍ່ປະເທດຊາດ, ຊ່ວຍໃຫ້ພວກນ້ອງເຂົ້າໃຈກ່ຽວກັບມູນເຊື້ອວິລະຊົນຂອງຊາດຫວຽດນາມ ຫຼາຍກວ່າອີກ. ພວກນ້ອງຈະໄດ້ເຫັນປະຈັກຕາການປ່ຽນແປງທີ່ໃຫຍ່ຫຼວງໃນທຸກດ້ານຂອງປະເທດຊາດ ແລະ ເຂົ້າໃຈກ່ຽວກັບໄດ້ນ້ຳໃຈເຊິ່ງພໍແມ່ພີນ້ອງຊາວຫວຽດນາມ ຢູ່ພາຍໃນປະເທດສະຫງວນໃຫ້ຊາວຫວຽດນາມ ອາໄສຢູ່ຕ່າງປະເທດ. ສອງສັບ ຫວຽດນາມ ນັບມື້ນັບສະໜິດຕິດພັນ ແລະ ແມ່ນຄວາມເອກອ້າງທະນົງໃຈສຳລັບຊາວໜຸ່ມຫວຽດນາມ ອາໄສຢູ່ຕ່າງປະເທດ, ລະດົມກຳລັງໃຈບັນດາພວກນ້ອງເພື່ອອວາຍໜ້າເມືອຫາກົກເຄົ້າເຫງົ້າກໍຫຼາຍກວ່າ, ສາມັກຄີກວ່າ ແລະ ເພື່ອປະກອບສ່ວນສ້າງປະເທດຫວຽດນາມ ໃຫ້ກາຍເປັນປະເທດຮັ່ງມີເຂັ້ມແຂງ”.