ພິທີໄຂງານຕະຫລາດນັດ
ພາບ:qdnd.vn
|
(vovworld) - ງານຕະຫລາດນັດການຄ້າສາກົນເຂດໄຕບັກ-ດ້ຽນບຽນປີ 2014 ຖືກໄຂຂຶ້ນໃນຕອນຄຳ່ວັນທີ 26/3 ຢູ່ ແຂວງ ດ້ຽນບຽນ, ພາຍໃຕ້ຫົວຂໍ້ວ່າ:“ ໄຕບັກ ພ້ອມກັບທົ່ວປະເທດເຊື່ອມໂຍງເຂົ້າກັບສາກົນ”. ນີ້ແມ່ນຫນຶ່ງໃນບັນດາການເຄື່ອນໄຫວສະເຫລີມສະຫລອງ 60 ປີແຫ່ງໄຊຊະນະ ດ້ຽນບຽນຝູ (7/5/1954-7/5/2014) ແລະຂຳ່ນັບຊົມເຊີຍບັນດາວັນບຸນສະເຫລີມສະຫລອງເຫດການຕ່າງໆຂອງແຂວງ ດ້ຽນບຽນ ໃນປີ 2014. ງານຕະຫລາດນັດມີຮ້ານວາງສະແດງເກືອບ 400 ຮ້ານ ຂອງ 180 ຫົວຫນ່ວຍ, ວິສາຫະກິດພາຍໃນ ແລະ ຕ່າງປະເທດ ເພື່ອແນະນຳ, ໂຄສະນາ ແລະ ຂາຍຜະລິດຕະພັນການຄ້າ, ບໍລິການທ່ອງທ່ຽວ. ງານຕະຫລາດນັດເຂດໄຕບັກ-ດ້ຽນບຽນ ແມ່ນນອນໃນໂຄງການສົ່ງເສີມການຄ້າຈຸດສຸມແຫ່ງຊາດປີ 2014 ເພື່ອໂຄສະນາພາບພົດ, ຄວາມສາມາດບົ່ມຊ້ອນດ້ານເສດຖະກິດ-ການຄ້າ, ຊອກຫາກາລະໂອກາດຮ່ວມມືລົງທຶນ, ຮ່ວມທຸລະກິດລະຫວ່າງບັນດາແຂວງຢູ່ເຂດໄຕບັກກັບບັນດາແຂວງ, ນະຄອນໃນທົ່ວປະເທດ ແລະ ບັນດາປະເທດໃນໂລກ, ພິເສດ ແມ່ນລາວ, ຈີນ ແລະ ບັນດາປະເທດໃນພາກພື້ນອາຊຽນ.