(ພາບປະກອບ)
(vovworld) - ງານຕະຫລາດນັດການຄ້າບັນດາຜະລິດຕະພັນ ສ.ເກົາຫຼີ ຢູ່ນະຄອນ ໂຮ່ຈີມິນ (G – Fair Korea) ໄຂຂຶ້ນໃນວັນທີ 22/11 ຢູ່ນະຄອນ ໂຮ່ຈີມິນ. ນີ້ແມ່ນງານຕະຫລາດນັດການຄ້າບັນດາຜະລິດຕະພັນ ສ.ເກົາຫຼີ ຄັ້ງທຳອິດ ໄດ້ຈັດຕັ້ງຢູ່ ຫວຽດນາມ. ງານຕະຫລາດນັດການຄ້າບັນດາຜະລິດຕະພັນ ສ.ເກົາຫຼີ ຢູ່ນະຄອນ ໂຮ່ຈີມິນ ວາງສະແດງ 4 ກຸ່ມຜະລິດຕະພັນຕົ້ນຕໍແມ່ນ: ເອເລັກໂຕນິກ ແລະ ເຄື່ອງໄຟຟ້ານຳໃຊ້ໃນຄອບຄົວ, ສິນຄ້າໃຊ້ສອຍ ແລະ ສະບຽບອາຫານ, ເຄື່ອງຈັກ ແລະ ວັດຖຸດິບອຸດສາຫະກຳ, ສຸຂະພາບ. ກ່າວຄຳເຫັນທີ່ພິທີໄຂ ທ່ານ ເລແທງລຽມ ຮອງປະທານຜູ້ປະຈຳນະຄອນ ໂຮ່ຈີມິນ ຖືວ່າ: ງານຕະຫລາດນັດວາງສະແດງບັນດາຜະລິດຕະພັນ ສ.ເກົາຫຼີ ຢູ່ນະຄອນ ໂຮ່ຈີມິນ ແມ່ນກາລະໂອກາດດີ ເພື່ອໃຫ້ຜູ້ອຸປະໂພກບໍລິໂພກນະຄອນມີໂອກາດນຳໃຊ້ບັນດາຜະລິດຕະພັນທີ່ມີຄຸນນະພາບສູງຂອງ ສ.ເກົາຫຼີ ທັງແມ່ນໂອກາດ ເພື່ອໃຫ້ວິສາຫະກິດ 2 ຝ່າຍພົບປະ, ແລກປ່ຽນ, ຊອກຫາກາລະໂອກາດເປີດກ້ວາງການລົງທຶນໃນອະນາຄົດ.