ຜູ້ແທນເຂົ້າຮ່ວມງານບຸນຕັ້ງຄ້າຍ
(ພາບ:baohomnay.com)
(vovworld)-ຕອນເຊົ້າວັນທີ 2/8, ຢູ່ທ່າກຳປັ່ນຍ່າຣົ່ງ ນະຄອນໂຮ່ຈິມິນ, ງານບຸນຕັ້ງຄ້າຍຂອງນັກອາສາສະໝັກ, ຊາວໜຸ່ມ, ເຍົາວະຊົນສະພາກາແດງທົ່ວປະເທດຄັ້ງທີ 4 ປີ 2013 ໄດ້ໄຂຂຶ້ນໂດຍມີການເຂົ້າຮ່ວມຂອງນັກອາສາສະໝັກ, ຊາວໜຸ່ມ, ເຍົາວະຊົນດີເດັ່ນໃນທົ່ວປະເທດເກືອບ 600 ຄົນ. ພິເສດ, ງານບຸນຕັ້ງຄ້າຍປີນີ້ຍັງມີການເຂົ້າຮ່ວມຂອງ 6 ຄະນະຜູ້ແທນສາກົນມາຈາກສະພາກາແດງ, ສະພາກາຊິກດົງເດືອນແດງຂອງມາເລເຊຍ, ມານດີເວີ, ລາວ, ຍີ່ປຸ່ນ, ສິງປະໂປ ແລະ ໄທ. ທີ່ງານບຸນຕັ້ງຄ້າຍ, ບັນດາຜູ້ເຂົ້າຮ່ວມໄດ້ຫວນຄືນປະຫວັດສາດອັນສະຫງ່າອົ່ງອາດຂອງຊາດ, ສະແດງໃຫ້ເຫັນບົດບາດ, ກຳລັງໜຸ່ມ, ທັກສະໃນການເຄື່ອນໄຫວລວມໝູ່, ການສຳພັດກັບຕ່າງປະເທດ, ການແບ່ງປັນໃນປະຊາຄົມຜ່ານການເຄື່ອນໄຫວຕ່າງໆ…ຕາມທ່ານຫງວຽນຫາຍເດື່ອງ, ປະທານຄະນະບໍລິຫານງານສູນກາງສະພາກາແດງຫວຽດນາມ ແລ້ວ, ດ້ວຍຫົວເລື່ອງ ”ການກະທຳເພື່ອຄວາມມະນຸດສະທຳ”, ງານບຸນຕັ້ງຄ້າຍປີນີ້ ແມ່ນໂອກາດເຊີດຊູບັນດາຄຸນຄ່າມະນຸດສະທຳຂອງກຳລັງນັກອາສາສະໝັກ, ຊາວໜຸ່ມ, ເຍົາວະຊົນສະພາກາແກງໃນຊຸມປີຜ່ານມາ. ນີ້ກໍ່ແມ່ນໂອກາດເພື່ອແບ່ງປັນ, ຮ່ຳຮຽນເອົາບົດຮຽນຂອງເພື່ອນມິດພາຍໃນ ແລະ ຕ່າງປະເທດ.