(ພາບປະກອບ)
(vovworld) - ຕອນຄ່ຳວັນທີ 01/12 ຄະນະກຳມະການປະຊາຊົນນະຄອນ ໂຮ່ຈີມິນ ໄຂງານບຸນນະຄອນ ໂຮ່ຈີມິນ - ເຊື່ອມ3pງ ແລະ ພັດທະນາປີ 2016 ຢູ່ສວນສາທາລະນະ 30/04 ເມືອງ 1. ນີ້ແມ່ນຄັ້ງທີ 4 ທີ່ງານບຸນໄດ້ຮັບການຈັດຕັ້ງດ້ວຍການເຂົ້າຮ່ວມຂອງສະຖານກົງສູນບັນດາປະເທດ, ອົງການຈັດຕັ້ງສາກົນ, ວິສາຫະກິດ, ນັກສຶກສາຕ່າງປະເທດພວມດຳລົງຊີວິດ ແລະ ຮ່ຳຮຽນຢູ່ນະຄອນ ໂຮ່ຈີມິນຈຳນວນ 25 ຄົນ.
ກ່າວຄຳເຫັນທີ່ງານບຸນ ທ່ານ ຫງວຽນແທງຟອງ ປະທານຄະນະກຳມະການປະຊາຊົນນະຄອນ ໂຮ່ຈີມິນ ໃຫ້ຮູ້ວ່າ ນະຄອນມີການພົວພັນມິດຕະພາບຮ່ວມມືກັບ 44 ທ້ອງຖິ່ນຂອງເຂດຕ່າງໆຂຶ້ນກັບ 5 ທະວີບ ແລະ ບັນລຸໄດ້ຜົນງານແທດຈິງຫລາຍຢ່າງ, ປະກອບສ່ວນເຂົ້າຈຸດໝາຍກໍ່ສ້າງນະຄອນມີຄຸນນະພາບດ້ານຊີວິດດີ, ທັນສະໄໝ, ສີວິໄລ, ມີຄວາມຮັກແພງ. ພິເສດແມ່ນປະຊາຄົມຊາວຕ່າງປະເທດພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ນະຄອນ ໂຮ່ຈີມິນ ໄດ້ ແລະ ພວມປະກອບສ່ວນຢ່າງຕັ້ງໜ້າເຂົ້າການພັດທະນາຂອງນະຄອນ. ທ່ານ ຫງວຽນແທງຟອງ ປາດຖະໜາຢາກໃຫ້ປະຊາຄົມຊາວຕ່າງປະເທດສືບຕໍ່ຮ່ວມເດີນທາງກັບຊາວນະຄອນໃນການກໍ່ສ້າງ, ປົກປົກຮັກສາ ແລະ ພັດທະນານະຄອນ ໃຫ້ກາຍເປັນແຫ່ງທີ່ດູດດື່ມ ແລະ ເປັນຈຸດມັດພົບທີ່ດີຂອງທຸກຄົນ.