ໄຂງານບຸນໜັງສືພິມສະບັບ ປີໃໝ່ຢູ່ນະຄອນເກີນເທີ
ການນຳນະຄອນເກີນເທີທີ່ງານບຸນໜັງສືພິມສະບັບປີໃໝ່
(ພາບ:vtvcantho.vn)
(vovworld) - ງານບຸນໜັງສືພິມສະບັບປີໃໝ່ ປີມະເສງ 2013 ໄດ້ຖືກໄຂຂຶ້ນໃນວັນທີ 4/2 ຢູ່ນະຄອນເກີນເທີ. ງານບຸນໄດ້ສະແດງ 430 ສິ່ງພິມຂອງບັນດາອົງການສື່ມວນຊົນສູນກາງ ແລະ ທ້ອງຖິ່ນ. ນີ້ແມ່ນໜຶ່ງໃນບັນດາການເຄື່ອນໄຫວເປີດສາກໃຫ້ແກ່ການເຄື່ອນໄຫວວັດທະນະທຳຕ່າງໆເພື່ອ “ອວຍພອນພັກ, ຊົມເຊີຍລະດູບານໃໝ່“ ຊື່ງໄດ້ຖືກຈັດຕັ້ງຂຶ້ນຢູ່ນະຄອນເກີນເທີ. ທ່ານນາງຟານທິທຸ່ຍຢາງ ຫົວໜ້າຮ້ານຂາຍປື້ມນະຄອນເກີນເທີ ໃຫ້ຮູ້ວ່າ:
“ໜັງສືພິມສະບັບປີໃໝ່ປີນີ້ມີຫຼາຍຮູບຫຼາຍສີ, ເນື້ອໃນອຸດົມສົມບູນ ຊື່ງໄດ້ເຕື້ອງເຖິງທຸກໆຂົງເຂດ, ຄຸນນະພາບການພິມສວຍງາມ. ໜັງສືພິມສະບັບປີໃໝ່ປີນີ້ມີຮູບແບບດູດດື່ມໃຈຜູ້ອ່ານ, ພວກຂ້າພະເຈົ້າຫວັງວ່າງານບຸນໜັງສືພິມສະບັບປີໃໝ່ປີນີ້ຈະນຳມາເຊິ່ງຂອງຂວັນດ້ານຈິດໃຈທີ່ມີຄວາມໝາຍໃນໂອກາດປີໃໝ່ມາໃຫ້ຜູ້ອ່ານມາໃຫ້ຜູ້ອ່ານ“.
ໃນຂອບເຂດງານບຸນໜັງສືພິມສະບັບປີໃໝ່, ນະຄອນເກີນເທີ ຍັງໄດ້ຈັດຕັ້ງງານວາງສະແດງຮູບພາບເອກະສານກ່ວາ 40 ຊີ້ນກ່ຽວກັບ “ການລູກຮຶ້ຂຶ້ນຂະໜາດໃຫ່ຍລະດູບານໃໝ່ປີວອກ 1968 ຢູ່ທາງທິດຕາເວັນຕົກພາກໃຕ້ຫວຽດນາມ“. ນີ້ແມ່ນບັນດາເອກະສານທີ່ມີຄຸນຄ່າດ້ານປະຫວັດສາດ ແລະ ມີຄວາມໝາຍເລິກເຊິ່ງ ຊື່ງສະແດງໃຫ້ເຫັນການປະກອບສ່ວນອັນໃຫ່ຍຫຼວງຂອງກອງທັບ ແລະ ປະຊາຊົນເຂດຕາເວັນຕົກພາກໃຕ້ຫວຽດນາມ ໃນການລູກຮຶ້ຂຶ້ນຂະໜາດໃຫ່ຍລະດູບານໃໝ່ປີວອກ 1968.