ການຟ້ອນມວຍໃນງານບຸນ
(vovworld) – ງານມະໂຫລານມວຍພື້ນເມືອງ ຫວຽດນາມສາກົນ ຄັ້ງທີ 6 - ບິ່ງດິ້ງປີ 2016 ໄດ້ດຳເນີນໄປໃນຕອນຄ່ຳວັນທີ 2/8, ຢູ່ນະຄອນ ກູຍເຍີນ, ແຂວງ ບີ່ງດິ້ງ, ດ້ວຍການເຂົ້າຮ່ວມຂອງຄູຝືກມວຍ, ນັກມວຍກ່ວາ 1.000 ຄົນ, ຂຶ້ນກັບ 52 ຄະນະມວຍພື້ນເມືອງພາຍໃນ ແລະ ສາກົນ, ໃນນັ້ນມີ 16 ຄະນະຂອງ 9ປະເທດໃນໂລກ. ພິທີໄຂງານມະໂຫລານມວຍພື້ນເມືອງ ຫວຽດນາມສາກົນ ຄັ້ງທີ 6 - ບີ່ງດິ້ງ 2016 ມີຫົວຂໍ້ “ຄ່ຳຄືນງານບຸນມວຍພື້ນເມືອງ ຫວຽດນາມ” ໄດ້ຮັບການຈັດຕັ້ງດ້ວຍບັນດາລາຍການສະແດງສິລະປະ, ບົດຟ້ອນມວຍທີ່ເປັນເອກະລັກສະເພາະ, ເຮັດໃຫ້ປະຫວັດສາດແຫ່ງການສ້າງຕັ້ງ ແລະ ພັດທະນາພົ້ນເດັ່ນຂອງມວຍພື້ນເມືອງ ຫວຽດນາມ ເວົ້າລວມ, ມວຍພື້ນເມືອງບິ່ງດິ່ງ ເວົ້າສະເພາະ. ກ່າວຄຳເຫັນທີ່ພິທີ, ທ່ານ ໂຮ່ກວກຢູ້ງ, ປະທານຄະນະກຳມະການປະຊາຊົນແຂວງ ບີ່ງດິ້ງ, ຢັ້ງຢືນວ່າ:
“ມວຍພື້ນເມືອງ ບີ່ງດິ້ງ ໄດ້ຮັບການຮັບຮອງເປັນມໍລະດົກວັດທະນະທຳບໍ່ມີຮູບຮ່າງລະດັບຊາດ. ສິ່ງດັ່ງກ່າວໄດ້ຊ່ວຍໃຫ້ງານມະໂຫລານສາກົນມວຍພື້ນເມືອງ ຫວຽດນາມ ສາກົນ ໂດຍແຂວງ ບີ່ງດິງ ປຸກລະດົມສືບຕໍ່ໄດ້ຮັບການສະໜັບສະໜູນຈາກກະຊວງວັດທະນະທຳ ກິລາ ແລະ ທ່ອງທ່ຽວ ແລະ ສະຫະພັນມວຍພື້ນເມືອງ ຫວຽດນາມ. ດ້ວຍການຈັດຕັ້ງງານມະໂຫລານຄັ້ງທີ 6, ອີກຄັ້ງໜຶ່ງໄດ້ຢັ້ງຢືນການພັດທະນາຢ່າງແຮງ, ການດຶງດູດ ແລະ ການແຜ່ຂະຫຍາຍຂອງມວຍພື້ນເມືອງ ຫວຽດນາມ. ແລະ ແຂວງ ບີ່ງດິ້ງ ກາຍເປັນຈຸດນັດພົບຂອງຜູ້ນິຍົມມວຍພື້ນເມືອງຢູ່ພາຍໃນປະເທດ ແລະ ຢູ່ໃນໂລກ”