( vovworld ) - ພິທີໄຂງານມະໂຫລານວິທະຍຸກະຈາຍສຽງທົ່ວປະເທດຄັ້ງທີ 10 ໂດຍວິທະຍຸກະຈາຍສຽງຫວຽດນາມ ສົມທົບກັບວິທະຍຸກະຈາຍສຽງ ແລະ ໂທລະພາບຮ່າໂນ້ຍ ຈັດຕັ້ງ ໄດ້ຖືກໄຂຂຶ້ນໃນຕອນຄໍ່າວັນທີ 13/6, ຢູ່ຮ່າໂນ້ຍ. ທ່ານ Nguyen Dang Tien ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ, ຫົວໜ້າຄະນະຊີ້ນຳງານມະໂຫລານວິທະຍຸກະຈາຍສຽງທົ່ວປະເທດຄັ້ງທີ 10 ໄດ້ລັ່ນກອງໄຂງານມະໂຫລານ.
ເຈົ້າຮ່ວມໃນງານມະໂຫລານຄັ້ງນີ້ ມີ 79 ຫົວໜ່ວຍ ດ້ວຍບົດປະພັນ 263 ບົດ. ທ່ານ Vu Hai, ຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ, ຫົວໜ້າຄະນະຈັດຕັ້ງງານມະໂຫລານວິທະຍຸກະຈາຍສຽງທົ່ວປະເທດຄັ້ງທີ 10 ໃຫ້ຮູ້ວ່າ.
“ບັນດາບົດປະພັນທີ່ສົ່ງເຂົ້າຮ່ວມການເສັງໃນງານມະໂຫລານວິທະຍຸກະຈາຍສຽງປີ 2012 ຄັ້ງນີ້ ແມ່ນໄດ້ຮັບການຄັດເລືອກຈາກບັນດາບົດປະພັນທີ່ດີເດັ່ນທີ່ສຸດໃນ 1 ປີທີ່ຜ່ານມາ, ບັນດາບົດປະພັນໄດ້ສ່ອງແສງເຊິງຊີວິດການເປັນຢູ່. ຫວັງວ່າ, ໃນຄໍ່າຄືນອັດງານມະໂຫລານຈະແມ່ນຄໍ່າຄືນເຊີດຊູບັນດານັກປະພັນ, ນັກຂ່າວທີ່ມີຄວາມສາມາດ, ສຸດຈິດສຸດໃຈໃນພາລະກິດສ້າງສາ ແລະ ປ່ຽນໃໝ່ປະເທດຊາດ”.
20 ປີທີ່ຕິດພັນກັບພາລະກິດກະຈາຍສຽງ, ນັກຂ່າວ Nguyen Xuan Long, ວິທະຍຸກະຈາຍສຽງ - ໂທລະພາບກວາງຫງ້າຍ ໄດ້ຖືວ່າ, ງານມະໂຫລານແຕ່ລະຄັ້ງແມ່ນວັນບຸນໃຫຍ່, ແມ່ນໂອກາດເພື່ອໃຫ້ນັກຂ່າວແຕ່ລະຄົນແລກປ່ຽນ, ຮໍ່າຮຽນ, ຍົກສູງດ້ານວິຊາການ.
“ຂ້າພະເຈົ້າເຫັນວ່າ, ໃນຊຸມປີມໍ່ໆມານີ້ ຄຽງຂ້າງເນື້ອໃນຂອງງານມະໂຫລານແລ້ວ, ວິທະຍຸກະຈາຍສຽງຫວຽດນາມ ຍັງຈັດຕັ້ງການສຳມະນາຕ່າງໆ. ມັນເຮັດໃຫ້ງານມະໂຫລານມີຄວາມໃກ້ສິດສະໜິດສະນົມກວ່າ, ອຸດົມສົມບຸນ ແລະ ຫຼາຍຮູບຫຼາຍແບບກວ່າ. ເມື່ອອ້າຍນ້ອງເຂົ້າຮ່ວມງານມະໂຫລານກໍກຳໄດ້ເນື້ອໃນສຳຄັນຫຼາຍກວ່າ. ບັນດາອ້າຍນ້ອງຢູ່ເຂດຫາງໄກ ພ້ອມກັບອ້າຍນ້ອງຢູ່ວິທະຍຸກະຈາຍສຽງຫວຽດນາມ ໄດ້ມີການພົບປະແລກປ່ຽນດ້ານວິຊາການ, ຜ່ານນັ້ນຂ້າພະເຈົ້າຄິດວ່າ ມັນໄດ້ສ້າງຄວາມໃກ້ຊິດຕິດແທດ ແລະ ລະດົມກຳລັງໃຈອ້າຍນ້ອງທີ່ເຮັດວຽກງານສື່ມວນຊົນກວ່າ.”
( ທີ່ງານມະໂຫລານວິທະຍຸກະຈາຍສຽງທົ່ວປະເທດຄັ້ງທີ 10 )
ກ່ອນໜ້ານັ້ນ, ຕອນບ່າຍວັນທີ 13/6, ຢູ່ສູນກະຈາຍສຽງແຫ່ງຊາດ 58 ກວານສື໋ - ຮ່າໂນ້ຍ, ທ່ານ Nguyen Dang Tien ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ມີການພົບປະກັບຫົວໜ້າຄະນະບັນດາວິທະຍຸກະຈາຍສຽງ - ໂທລະພາບໃນທົ່ວປະເທດ ເນື່ອງໃນໂອກາດໄຂງານມະໂຫລານກະຈາຍສຽງທົ່ວປະເທດຄັ້ງທີ 10. ກ່າວຄຳເຫັນທີ່ການພົບປະ, ທ່ານ Nguyen Dang Tien ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ເວົ້າວ່າ.
“ວິທະຍຸກະຈາຍສຽງກໍ່ເປັນພາສາສະເພາະ ແລະ ພວມແຜ່ລາມອອກຢ່າງເລິກເຊິ່ງກວ້າງຂວາງໃນສັງສົມ, ໝູ່ປະຊາຊົນ, ນັກຮົບ. ຫວັງວ່າບັນດາອ້າຍເອ້ືອຍຖືວິທະຍຸກະຈາຍສຽງຫວຽດນາມ ແມ່ນອ້າຍນ້ອງໃນຂອບຄົວດຽວ ແລະ ກົງກັນຂ້າມ, ອ້າຍນ້ອງພວກຂ້າພະເຈົ້າກໍ່ຈະສຳພັດ ແລະ ຮໍ່າຮຽນເອົາບົດຮຽນຈາກບັນດາສະຫາຍ, ຜູ້ທີ່ດຳລົງຊີວິດຢູ່ບັນດາທ້ອງຖິ່ນ ເຊິ່ງພວກຂ້າພະເຈົ້າຍັງບໍ່ທັນໄດ້ສຳພັດ”.
ງານມະໂຫລານວິທະຍຸກະຈາຍສຽງທົ່ວປະເທດຄັ້ງທີ 10 ຈະອັດລົງໃນຕອນຄໍ່າວັນທີ 15/6.