ໄຂງານວາງສະແດງ “ເສັ້ນທາງໂຮ່ຈີມິນແຫ່ງເທບນິຍາຍ”ໃນເຂດດິນແດນລາວໄລຍະ1961-1975
ໝີບີ່ງ, ນັກຂ່າວVOVປະຈຳລາວ -
ພິທີຕັດແຖບຜ້າໄຂງານວາງສະແດງ
|
(vovworld) – ງານວາງສະແດງ “ເສັ້ນທາງໂຮ່ຈີມິນແຫ່ງເທບນິຍາຍ” ໃນເຂດດິນແດນລາວໄລຍະ 1961-1975 ໄດ້ໄຂຂຶ້ນໃນຕອນເຊົ້າວັນທີ 12/10, ຢູ່ແຂວງ ສະຫວັນນະເຂດ, ທາງພາກກາງລາວ, ໂດຍສະຖານທູດ ຫວຽດນາມ ປະຈຳ ລາວ, ສະຖານກົງສູນໃຫຍ່ ຫວຽດນາມ ປະຈຳແຂວງ ສະຫວັນນະເຂດ ແລະ ກະຊວງປ້ອງກັນປະເທດລາວ, ສົມທົບກັນຈັດຕັ້ງຂຶ້ນ, ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນເປີດເສັ້ນທາງ ໄຕເຈື່ອງເຊີນ (ໝາຍເຖິງສາຍພູຫຼວງເບື້ອງຕາເວັນຕົກ) (1961 – 2016). ງານວາງສະແດງໄດ້ວາດພາບໄລຍະທີ່ພິລະອາດຫານໃນປະຫວັດສາດພ້ອມກັນຕໍ່ສູ້ ແລະ ພ້ອມກັນຍາດໄດ້ໄຊຊະນະຂອງປະຊາຊົນ ແລະ ກອງທັບປະຊາຊົນ 2 ປະເທດ ຫວຽດນາມ ແລະ ລາວ ພາຍໃຕ້ການຊີ້ນຳນຳພາຂອງພັກແຮງງານ ຫວຽດນາມ ( ປະຈຸບັນແມ່ນພັກກອມມູນິດ ຫວຽດນາມ) ແລະ ພັກປະຊາຊົນປະຕິວັດ ລາວ, ແລະ ດ້ວຍການສະໜັບສະໜູນ, ການຊ່ວຍເຫຼືອອັນໃຫຍ່ຫຼວງຂອງເພື່ອນມິດສາກົນ ແລະ ປະຊາຊົນຜູ້ຮັກຫອມສັນຕິພາບ ແລະ ຄວາມຍຸຕິທຳໃນທົ່ວໂລກ. ໃນຈຳນວນບັນດາຮູບພາບທີ່ໄດ້ນຳມາວາງສະແດງທີ່ງານວາງສະແດງຄັ້ງນີ້ ມີຮູບຖ່າຍຫຼາຍແຜ່ນເປັນຄັ້ງທຳອິດໄດ້ແນະນຳຢ່າງກ້ວາງຂວາງເຖິງມະຫາຊົນ, ພິເສດແມ່ນກ່ຽວກັບແຜນທີ່ກ່ຽວກັບເສັ້ນທາງ ໂຮ່ຈີມິນ - ໄຕເຈື່ອງເຊີນ, ໂດຍບັນດານັກຮົບເກົ່າ ເຈື່ອງເຊີນ ວາດພາບບົນພື້ນຖານບັນດາເອກະສານ ແລະ ຄວາມຊົງຈຳແຫ່ງປະຫວັດສາດ.
ໝີບີ່ງ, ນັກຂ່າວVOVປະຈຳລາວ