ທ່ານເອກອັກຄະລັດຖະທູດຫວຽດນາມປະຈຳ ສເກົາຫຼີ ເຈິ່ນຈ້ອງຕ່ວານ
(ພາບ: Anh Nguyên-Việt Cường/Vietnam+)
(vovworld) – ຕອນເຊົ້າວັນທີ 2/3, ສະຖານທູດຫວຽດນາມປະຈຳ ສເກົາຫຼີ ໄດ້ສົມທົບກັບ MBC Naum ສເກົາຫຼີ ຈັດຕັ້ງງານວາງສະແດງຮູບພາບດ້ວຍຫົວຂໍ້ວ່າ: ”ຮ່ວມເດີນທາງພ້ອມກັບຜູ້ປະສົບເຄາະຮ້າຍຈາກທາດພິດສີສົ້ມ”. ນີ້ແມ່ນຮູບພາບໂດຍນັກຖ່າຍຮູບ ສ ເກົາຫຼີ Lee Jong – hun ປະຕິບັດ ເມື່ອຮ່ວມເດີນທາງພ້ອມກັບບັນດານັກກິລາຖີບລົດຫວຽດນາມ - ສເກົາຫຼີໃນການແຂ່ງຂັນຖີບລົດ ແຕ່ເໜືອ - ໃຕ້ ຫວຽດນາມ ເມື່ອເດືອນ 11/2012. ກ່າວຄວາມເຫັນໄຂງານວາງສະແດງ, ຜູ້ອຳນວຍການ MBC Naum Kim Gi Oan ເນັ້ນໜັກວ່າ, ງານວາງສະແດງແມ່ນການເຄື່ອນໄຫວທີ່ມີຄວາມໝາຍທີ່ສຸດ, ເຊິ່ງຈັດຂຶ້ນໃນໂອກາດທີ່ສອງປະເທດສະເຫຼີມສະຫຼອງ 20 ປີ ແຫ່ງການສ້າງຕັ້ງສາຍພົວທາງການທູດ. ສ່ວນທ່ານເອກອັກຄະລັດຖະທູດຫວຽດນາມປະຈຳ ສເກົາຫຼີ ເຈິ່ນຈ້ອງຕ່ວານ ກໍ່ຢືນຢັນວ່າ, ນີ້ແມ່ນການກະທຳສະແດງໃຫ້ເຫັນການຮ່ວມມື, ແບ່ງປັນ ແລະ ພ້ອມກັນມຸ່ງໄປສູ່ອະນາຄົດທີ່ສົດໄສຫວ່າຂອງບັນດາຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ ແລະ ສເກົາຫຼີ. ນີ້ແມ່ນການເຄື່ອນໄຫວທີ່ມີຄວາມໝາຍ, ປະກອບສ່ວນປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຫວຽດນາມ - ສເກົາຫຼີ.