ບັນດານັກສິລະປິນຫວຽດນາມ ໄປສະແດງຢູ່ ສະຫະພັນລັດເຊຍ
ພາບ:vietnamnet
|
(vovworld)- ເຫດການຊຸມມື້ວັດທະນະທຳຫວຽດນາມ ຢູ່ ສະຫະພັນລັດເຊຍ ປີ 2016 ໄດ້ໄຂຂຶ້ນຢ່າງເປັນທາງການໃນຕອນຄ່ຳວັນທີ 6/6 ຢູ່ ໂຮງລະຄອນນ້ອຍຢູ່ ນະຄອນຫລວງ Moscow. ກ່າວຄຳເຫັນນະທີ່ນີ້, ທ່ານ ຫງວຽນງອກທ້ຽນ, ລັດຖະມົນຕີກະຊວງວັດທະນະທຳ ກິລາ ແລະ ທ່ອງທ່ຽວຫວຽດນາມ ໄດ້ເນັ້ນຫນັກວ່າ:
“ການເຄື່ອນໄຫວຄັ້ງນີ້ ນອກຈາກມີຄວາມໝາຍຊ່ວຍສາທາລະນະຊົນລັດເຊຍ ມີຄວາມເຂົ້າໃຈກ່ຽວກັບພື້ນຖານວັດທະນະທຳທີ່ເປັນເອກະລັກສະເພາະ, ເຂັ້ມຂົ້ນໄປດ້ວຍສີສັນຊາດ, ຫລາຍຮູບຫລາຍແບບຂອງຫວຽດນາມກວ່າເທົ່ານັ້ນ ຫາກຍັງປະກອບສ່ວນເຂົ້າໃນການປັບປຸງ, ພັດທະນາ ແລະ ເປີດກວ້າງການພົວພັນຮ່ວມມືທີ່ເປັນມູນເຊື້ອ, ມິດຕະພາບທີ່ມີມາແຕ່ດົນນານກັບປະຊາຊົນ ໂຊຫວຽດໃນເມື່ອກອ່ນ ແລະ ປະຊາຊົນລັດເຊຍ ປະຈຸບັນ. ຜ່ານບັນດາການເຄື່ອນໄຫວດ້ານວັດທະນະທຳ, ພວກຂ້າພະເຈົ້າຫວັງວ່າຈະດຶງດູດນັກທ່ອງທ່ຽວລັດເຊຍ ມາຢ້ຽມຢາມຫວຽດນາມ ຫລາຍກວ່າ.”
ຊຸມມື້ວັດທະນະທຳຫວຽດນາມ ຢູ່ ສະຫະພັນລັດເຊຍ ດຳເນີນແຕ່ນີ້ຮອດວັນທີ 11/6 ດ້ວຍການເຄື່ອນໄຫວຫລາຍຢ່າງຢູ່ນະຄອນຫລວງ Moscow ແລະ Volgograd. ໃນຂອບເຂດເຫດການດັ່ງກ່າວ ໄດ້ດຳເນີນການວາງສະແດງພາບແພໄຫມຫວຽດນາມ ຢູ່ ຫໍພິພິຕະພັນຝ່າຍຕາເວັນອອກຢູ່ສູນວາງສະແດງຜົນງານເສດຖະກິດແຫ່ງຊາດ ຢູ່ Moscow. ງານວາງສະແດງໄດ້ແນະນຳພາບແພໄຫມ 35 ແຜ່ນ ດ້ວຍບັນດາຫົວເລື່ອງກ່ຽວກັບປະຫວັດສາດ, ຊີວິດປະຈຳວັນ, ກໍຄືທິວທັດທຳມະຊາດທີ່ສວຍງາມຂອງຫວຽດນາມ, ຜ່ານນັ້ນ ຊ່ວຍໃຫ້ສາທາລະນະຊົນ ລັດເຊຍ ມີຄວາມເຂົ້າໃຈກ່ຽວກັບບັນດາຄຸນຄ່າທີ່ເປັນເອກະລັກສະເພາະຂອງພື້ນຖານວັດທະນະທຳຫວຽດນາມກວ່າ.