ໄຂຊຸມວັນວັດທະນະທຳຍີ່ປຸ່ນ ຢູ່ດ່າລາດ - ເລີມດົງ
ຊຸມວັນວັດທະນະທຳຍີ່ປຸ່ນ ຢູ່ດ່າລາດ - ເລີມດົງ
(ພາບ: baolamdong.vn)
(vovworld) – ໃນຂອບເຂດບັນດາການເຄື່ອນໄຫວສິ້ນສຸດປີທ່ອງທ່ຽວແຫ່ງຊາດ ໄຕຫງວຽນ - ດ່າລາດ 2014. ຕອນຄໍ່າວັນທີ 23/12, ພະແນກວັດທະນະທຳ, ກິລາ ແລະ ທ່ອງທ່ຽວແຂວງເລີມດົງ ໄດ້ໄຂງານບຸນ “ຊຸມວັນວັດທະນະທຳຍີ່ປຸ່ນ ຢູ່ດາາລາດ”. “ຊຸມວັນວັດທະນະທຳຍີ່ປຸ່ນ ຢູ່ດາາລາດ” ແມ່ນການເຄື່ອນໄຫວເພື່ອແນໃສ່ໂຄສະນາກ່ຽວກັບປະເທດຊາດ, ມະນຸດ ແລະ ວັດທະນະທຳທີ່ເປັນມູນເຊື້ອຂອງຍີ່ປຸ່ນ ເຖິງແຂກທ່ອງທ່ຽວ ແລະ ຊາວດ່າລາດ - ເລີມດົງ. ກ່າວຄຳເຫັນທີ່ພິທີ, ທ່ານ ຫງວຽນວັນອຽນ, ຮອງປະທານແຂວງເລີມດົງ ໃຫ້ຮູ້ວ່າ, ໃນຊຸມປີຜ່ານມາ, ລັດຖະບານຍີ່ປຸ່ນ ໄດ້ໜູນຊ່ວຍແຂວງເລີມດົງ ກໍ່ສ້າງບາງກິດຈະກຳທີ່ມີຄວາມໝາຍຄື: ຮູບແບບການທ່ອງທ່ຽວຊີວະພາບໂດຍອີ່ງໃສ່ວົງຄະນະຍາດ, ໂຄງການກຳຈັດນຳໜອງ ຊວນເຮືອງ, ກໍ່ສ້າງຮູບແບບຜະລິດກະສິກຳຕາມທິດສຳພັດຫຼາຍຂະແໜງ ແລະ ປັບປຸງສະພາບແວດລ້ອມ. ທ່ານ ຫງວຽນວັນອຽນ ໃຫ້ຮູ້ວ່າ.
“ການພົວພັນລະຫວ່າງຫວຽດນາມ - ຍີ່ປຸ່ນ ໄດ້ຍົກຂຶ້ນສູ່ລະດັບສູງໃໝ່. ຍີ່ປຸ່ນ ໄດ້ກາຍເປັນຄູ່ຮ່ວມມືຍຸດທະສາດທີ່ໄວ້ເນື້ອເຊື່ອໃຈຂອງຫວຽດນາມ, ຊຸມວັນວັດທະນະທຳຍີ່ປຸ່ນ ຢູ່ ດ່າລາດ - ເລີມດົງ ຖືກຈັດຂຶ້ນປະຈຳປີ, ເພື່ອແນໃສ່ເພີ່ມທະວີການພົວພັນລະຫວ່າງ 2 ປະເທດ, ພ້ອມທັງສ້າງເງື່ອນໄຂໃຫ້ນັກທ່ອງທ່ຽວຍີ່ປຸ່ນ ມີຄວາມເຂົ້າໃຈກ່ຽວກັບດ່າລາດ. ເຫດການດັ່ງກ່າວໄດ້ສ້າງເງື່ອນໄຂໃຫ້ບັນດາຜູ້ເຮັດວຽກງານວັດທະນະທຳ, ນັກທຸລະກິດລະຫວ່າງຫວຽດນາມ - ຍີ່ປຸ່ນ, ພົບປະແລກປ່ຽນນຳກັນສ້າງການພົວພັນທີ່ໃກ້ຊິດສະໜິດສະໜົມ ເພື່ອສ້າງການພົວພັນຮ່ວມມືອັນຍາວນານນຳກັນ”.