ຖະໜົນປື້ມ ຮ່າໂນ້ຍ ດຶງດູດຜູ້ອ່ານເປັນຈຳນວນຫຼວງຫຼາຍ
|
(vovworld) - ຕອນເຊົ້າວັນທີ 1/5, ຢູ່ຖະໜົນ 19/12, ເມືອງ ຮ່ວາມກ໋ຽມ, ຮ່າໂນ້ຍ, ພະແນກຖະແຫລງຂ່າວ ແລະ ສື່ສານ ຮ່າໂນ້ຍ ໄດ້ສົມທົບກັບຄະນະກຳມະການປະຊາຊົນເມືອງ ຮ່ວານກ໋ຽມ ຈັດຕັ້ງພິທີໄຂຖະໜົນປຶ້ມ ຮ່າໂນ້ຍ. ຖະໜົນປື້ມ ຮ່າໂນ້ຍ ໄດ້ຮັບການອອກແບບ ແລະ ກໍ່ສ້າງດ້ວຍຕົ້ນໄມ້, ດ້ວຍທັດສະນີຍະພາບກົມກ່ຽວງາມຕາ. ມີຮ້ານວາງສະແດງປຶ້ມ 16 ຮ້ານດ້ວຍປື້ມຫຼາຍປະເພດສຳລັບທຸກໆເປົ້າໝາຍຜູ້ອ່ານ. ປອ ຫງວຽນແມ້ງຮູ່ງ, ຜູ້ອຳນວຍການບໍລິສັດ ປຶ້ມ ທ໋າຍຮ່າ, ໃຫ້ຮູ້ວ່າ:
“ຂ້າພະເຈົ້າແມ່ນໜຶ່ງໃນຈຳນວນບັນດາຜູ້ທຳອິດມີແນວຄວາມຄິດສ້າງຖະໜົນປື້ມ. ຮ່າໂນ້ຍ ມີຖະໜົນຮ່າງບຸດ ແລ້ວ ຕ້ອງມີຖະໜົນປື້ມອີກ. ຂ້າພະເຈົ້າໄດ້ໄປເຮັດວຽກຢູ່ເກືອບ 40 ປະເທດແລ້ວ. ຂ້າພະເຈົ້າເຫັນວ່າ, ຖະໜົນປື້ມຢູ່ ປາຣີ, ຢູ່ລອນດອນ ກໍ່ບໍ່ງາມ, ບໍ່ໃຫຍ່ຄືຖະໜົນປື້ມຢູ່ຮ່າໂນ້ຍ. ຂ້າພະເຈົ້າສະເໜີເປີດຖະໜົນປຶ້ມ 4 ສາຍຢູ່ຮ່າໂນ້ຍ. ພວກຂ້າພະເຈົ້າພວມຄົ້ນຄ້ວາເພື່ອຍື່ນສະເໜີຕໍ່ນະຄອນເປີດຖະໜົນປຶ້ມແຫ່ງທີ 2 ຢູ່ ເມືອງ ເກົ່າໄຢ໋, ທາງທິດຕາເວັນຕົກຮ່າໂນ້ຍ.”