(vovworld) ໃນຊຸມວັນຕົ້ນປີໃໝ່, ບັນດາທ້ອງຖີ່ນໃນແຂວງ ບິນດິງພວມເບີດບານມ່ວນຊື່ນໃນທ່າມກາງບັນຍາກາດງານບູນປະເພນີ. ພິເສດ, ງານບູນສະເຫຼີມສະຫຼອງ 223 ປີ ແຫ່ງວັນໄຊຊະນະ ງອກໂຮ່ຍ - ດົ່ງດາ ໄດ້ຖືກໄຂຂຶ້ນໃນຕອນບ່າຍວັນທີ 26/1. ງານບູນສະເຫຼີມສະຫຼອງໄຊຊະນະ ງອກໂຮ່ຍ - ດົ່ງດາ, ລະດູບານໃໝ່ ປີຣະກາ 1789, ຕິດພັນກັບຊື່ສຽງຮຽງນາມຂອງນັກວິລະຊົນແຫ່ງຊາດ ກວາງຈູງ - ຫງວຽນເຮ້ຍ. ພາຍຫຼັງພິທີຖະຫວາຍທູບທຽນ, ວາງພວງມາລາຢູ່ຫໍພິພິທະພັນ ກວາງຈູງ, ແມ່ນການເຄື່ອນໄຫວວັດທະນະທຳ - ສິລະປະຕ່າງໆ.
ຕອນເຊົ້າວັນທີ 26/1, ຢູ່ວັດ ແກວ ແຂວງ ທ໋າຍບິນ ກໍ່ໄດ້ເປີດງານບູນລະດູບານໃໝ່. ນີ້ແມ່ນງານບູນມີຂອບຂະໜາດໃຫຍ່ສຸດຂອງແຂວງ ທ໋າຍບິນ, ດຶງດູດນັກທ່ອງທ່ຽວນັບໝື່ນໆຄົນ ມາຈາກທຸກສາລາທິດເຂົ້າຮ່ວມ. ໃນວັນບູນ, ນອກຈາກບັນດາການເຄື່ອນໄຫວເຫຼືອມໄສໄຫວ້ບູຊາພະພຸດທະເຈົ້າເພື່ອ ຂໍໂຊກຂໍໄຊໃນຕົ້ນປີ, ນັກທ່ອງທ່ຽວຍັງໄດ້ເຂົ້າຮ່ວມບັນດາການລະຫຼິ້ນພື້ນເມືອງຄື: ຍິງເປັດ, ຫຸ້ງເຂົ້າ, ແກວງໝາກກະໂພກດິນ ແລະ ອື່ນໆ.
ພ້ອມກັບງານບູນວັດແກວ, ແຂວງ ທ໋າຍບິນຍັງມີງານບູນຕ່າງໆທີ່ຖືກຈັ້ນຂຶ້ນໃນເດືອນຈຽງຄື: ງານບູນສາລາ ຫວ້ານດົ່ນ, ງານບູນຕາແສງ ບາດຈູງ, ງານບູນສາລາ ກວານ... ງານບູນແມ່ນໂອກາດເພື່ອໃຫ້ຊາວກະສິກອນແຂ່ງຂັນ, ທຳພິທີຂໍໂຊກຂໍໄຊໃນຕົ້ນປີໃໝ່.