(vovworld) - ພິທີໄຂສັບປະດາວັດທະນະທຳທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ - ຫາຍຟ່ອງປີ 2013 ແລະ ງານບຸນດອກຟາງແດງຫາຍຟ່ອງ ຄັ້ງທີ 2 ຖືກໄຂຂຶ້ນໃນຕອນຄໍ່າວັນທີ 11/05, ຢູ່ສະໜາມຫຼວງໂຮງລະຄອນຫາຍຟ່ອງ. ນີ້ແມ່ນການເຄື່ອນໄຫວຈຸດສຸມຂອງໂຄງການປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ - ຫາຍຟ່ອງປີ 2013 ດ້ວຍຫົວຂໍ້ວ່າ “ອະລິຍະທຳແມ່ນ້ຳແດງ”. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ເນັ້ນໜັກວ່າ ການທ່ອງທ່ຽວພວມແມ່ນໜື່ງໃນບັນດາຈຸດພົ້ນເດັ່ນກ່ຽວກັບເສດຖະກິດ, ປະກອບສ່ວນຢ່າງມີປະສິດທິຜົນເຂົ້າໃນການພັດທະນາເສດຖະກິດສັງຄົມຂອງປະເທດຊາດ, ໂດຍສະເພາະແມ່ນໃນສະພາບທີ່ໂລກພວມປະສົບກັບຄວາມຫຍຸ້ງຍາກຫຼາຍຢ່າງ. ປີທ່ອງທ່ຽວແຫ່ງຊາດ 2013 ແມ່ນໂອກາດທີ່ດີເພື່ອມໃຫ້ທັງເຂດເສີມຂະຫຍາຍທ່າແຮງ, ສ້າງບາດກ້າວບຸກທະລຸໃນການພັດທະນາຂະແໜງເສດຖະກິດປາຍແຫຼມ. ທ່ານນາຍົກລັດຖະມົນຕີ ຫງວຽນເຕີນຢຸງຊີ້ແຈ້ງວ່າ.
“ກ່ອນອື່ນໝົດ ຕ້ອງຈັດຕັ້ງບັນດາການເຄື່ອນໄຫວໃນໂຄງການປີທ່ອງທ່ຽວແຫ່ງຊາດໃຫ້ສຳເລັດຜົນ. ຍູ້ແຮງການເຊື່ອມຕໍ່, ຮ່ວມມືກັບບັນດາທ້ອງຖິ່ນ ແລະ ເສີມຂະຫຍາຍກຳລັງມີຫົວຄິດປະດິດສ້າງຂອງແຕ່ລະຄົນໃນເຂດ ເພື່ອແນໃສ່ສ້າງກຳລັງແຮງສັງລວມໃຫ້ແກ່ການພັດທະນາການທ່ອງທ່ຽວ. ໃນນັ້ນ, ຕ້ອງເອົາໃຈໃສ່ເປັນພິເສດເຖິງການເສີມຂະຫຍາຍບົດຮຽນ, ທ່າແຮງກ່ຽວກັບບັນດາມໍລະດົກວັດທະນະທຳ, ມໍລະດົກທຳມະຊາດ, ພິເສດແມ່ນບັນດາມໍລະດົກເຊິ່ງ UNESCO ຮັບຮອງແມ່ນມໍລະດົກວັດທະນະທຳຂອງໂລກ; ລະບົບງານບູນ, ໝູ່ບ້ານອາຊີບ, ມູນເຊື້ອປະຫວັດສາດ ແລະ ຄຸນຄ່າຊີວະພາບ - ວັດທະນະທຳມະນຸດທີ່ພົ້ນເດັ່ນຂອງພື້ນຖານອະລິຍະທຳປູກເຂົ້ານາທາມ... ເພື່ອສ້າງເປັນບັນດາຜະລິດຕະພັນທ່ອງທ່ຽວທີ່ອຸດົມສົມບຸນ, ມີຄວາມເປັນເອກະລັກສະເພາະ, ຫຼາຍຮູບຫຼາຍແບບ, ຖືລັກສະນະທີ່ເຂັ້ມຂົ້ນໄປດ້ວຍວັດທະນະທຳ, ອະລິຍະທຳແມ່ນ້ຳແດງ ຕິດພັນກັບເຄື່ອງໝາຍການຄ້າທ່ອງທ່ຽວເຂດທົ່ົງພຽງແມ່ນ້ຳແດງ ທີ່ມີຄວາມແກ່ງແຍ້ງສູງ, ກ່າຍເປັນສະຖານທີ່ທ່ອງທ່ຽວໝັ້ນຄົງ ມີລັກສະນະພາກພື້ນ ແລະ ສາກົນ”.