ທ່ານຮ່ວາງຕວນແອງກ່າວຄຳເຫັນທີ່ພິທີໄຂ
(ພາບ: ambafrance-vn.org)
(vovworld)- ວັນທີ 14/2, ຢູ່ນະຄອນຫຼວງປາຣີ-ປະເທດຝະລັ່ງ, ທ່ານຮ່ວາງຕວນແອງ, ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ພ້ອມກັບທ່ານລັດຖະມົນຕີກະຊວງການຕ່າງປະເທດຝະລັ່ງ, ທ່ານລັດຖະມົນຕີກະຊວງວັດທະນະທຳ ແລະ ທ່ານປະທານສະຖາບັນຝະລັ່ງ ໄດ້ເຂົ້າຮ່ວມພິທີໄຂ “ປີຫວຽດນາມຢູ່ຝະລັ່ງ“.
ໃນຂອບເຂດການຢ້ຽມຢາມຝະລັ່ງ, ວັນທີ 13/2, ທ່ານລັດຖະມົນຕີຮ່ວາງຕວນແອງ ໄດ້ມີການເຮັດວຽກກັບທ່ານນາງ Irina Bokova ຜູ້ອຳນວຍການໃຫ່ຍອູແນສໂກ, ເຮັດວຽກກັບທ່ານປະທານສະຖາບັນຝະລັ່ງ ແລະ ທ່ານລັດຖະມົນຕີກະຊວງວັດທະນະທຳ ພ້ອມທັງເປັນສັກຂີພິຍານພິທີລົງນາມຂໍ້ຕົກລົງຮ່ວມມືລະຫວ່າງສະຖານບັນຟິມຫວຽດນາມ ແລະ ສະຖານບັນເອກສານ INA ຂອງຝະລັ່ງ.
ທີ່ການເຮັດວຽກກັບທ່ານປະທານສະຖາບັນຝະລັ່ງ ແລະ ທ່ານລັດຖະມົນຕີກະຊວງວັດທະນະທຳ, ທ່ານລັດຖະມົນຕີຮ່ວາງຕວນແອງ ຢືນຢັນວ່າ: ການຮ່ວມມືດ້ານວັດທະນະທຳ ແມ່ນໜຶ່ງໃນບັນດາຂົງເຂດສຳຄັນໄດ້ຮັບການບຸລິມະສິດຈາກສອງປະເທດ, ພິເສດໃນຂະນະທີ່ສອງປະເທດຜັນຂະຫຍາຍສາຍພົວພັນຄູ່ຮ່ວມມືຍຸດທະສາດທີ່ຫາກໍ່ໄດ້ລົງນາມໃນປີຜ່ານມາ, ທ່ານລັດຖະມົນຕີຮ່ວາງຕວນແອງ ເນັ້ນນັກວ່າ:
“ໃນວິວັດການປະຫວັດສາດ, ຫວຽດນາມ ແລະ ຝະລັ່ງ ມີຫຼາຍຈຸດທີ່ຄ້າຍຄືກັນ. ບັນດາຈຸດຄ້າຍຄືກັນນັ້ນ ຕ້ອງວິເຄາະຈາກດ້ານວັດທະນະທຳ ແລະ ຈາກນັ້ນ, ສອງປະເທດໄດ້ກາຍເປັນຄູ່ຮ່ວມມືຍຸດທະສາດຂອງກັນ. ວັດທະນະທຳແມ່ນຂົວຕໍ່ໃຫ້ສອງຊາດພວກເຮົາສະໜິດຕິດພັນກັນ“./.