ໄຂພິທີຕີກາວິຫານເຈິ່ນ ຢູ່ແຂວງນາມດິ້ງ
(ພາບ: http://vtc.vn)
(vovworld)- ຕອນຄ່ຳວັນທີ 13/2, ກົງກັບວັນທີ 14 ເດືອນຈຽງໄລ່ຕາມຈັນທະປະຕິທິນ, ຢູ່ເຂດປູສະນີຍະສະຖານວິຫານເຈິ່ນ-ນະຄອນນາມດິ້ງ, ຄະນະກຳມະການ ປຊຊ ນະຄອນນາມດິ້ງ ໄດ້ໄຂພິທີຕີກາວິຫານເຈິ່ນ ໂດຍມີການເຂົ້າຮ່ວມຂອງທ່ານຫງວຽນທ້ຽນເຍິນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ທ່ານພົນເອກເຈິ່ນດ້າຍກວາງ ລັດຖະມົນຕີກະຊວງຕຳຫຼວດຫວຽດນາມ ພ້ອມກັບແຂກມາຈາກທຸກສາລະທິດນັບໝື່ນຄົນ.
ພິທີຕີກາວິຫານເຈິ່ນ ດຳເນີນໃນ 11 ໂມງຂອງຄ່ຳຄືນວັນທີ 14 ເດືອນຈຽງຮອດ 1 ໂມງເຊົ້າຂອງວັນທີ 15 ເດືອນຈຽງໄລ່ຕາມຈັນທະປະຕິທິນ. ເພື່ອຮັບປະກັນຄວາມເປັນລະບຽບຮຽບຮ້ອຍໃຫ້ແກ່ພິທີ, ຄະນະຈັດຕັ້ງໄດ້ລະດົມພະນັກງານ, ນັກຮົບກ່ວາ 2000 ຄົນໃນກຳລັງຕຳຫຼວດ, ທະຫານ, ທະຫານລາດເພື່ອປະຕິບັດວຽກງານປົກປັກຮັກສາຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍ./.