(vovworld) - ລາຍການຕັ້ງຄ້າຍພັກແລ້ງຫວຽດນາມ ປີ 2013 ດ້ວຍຫົວຂໍ້ວ່າ “ 10 ປີອວຍໜ້າເມືອຫາກົກເຄົ້າເຫງົາກໍ” ເຊິ່ງຖືກໄຂຂຶ້ນໃນຕອນເຊົ້າວັນທີ 14/07, ຢູ່ໃຈກາງນະຄອນຮ່າຢາງ (ແຂວງຮ່າຢາງ, ຫວຽດນາມ). ມີໄວໜຸ່ມເປັນຊາວຫວຽດນາມ ອາໄສຢູ່ຕ່າງປະເທດເກືອບ 200 ຄົນ, ທີ່ມີຜົນງານດີເດັ່ນໃນການຮໍ່າຮຽນ, ອອກແຮງງານ ມາຈາກ 24 ປະເທດໃນທົ່ວໂລກ ພ້ອມກັນເຂົ້າຮ່ວມ.
ທ່ານ ຫງວຽນແທງເຊີນ, ຮອງລັດຖະມົນຕີກະຊວງການຕ່າງປະເທດ, ປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດໃຫ້ຮູ້ວ່າ, ຜ່ານບັນດາການເຄື່ອນໄຫວໃນໄລຍະທາງແຕ່ເໜືອຮອດໃຕ້, ຄ້າຍພັກແລ້ງປີນີ້ຈະຊ່ວຍໃຫ້ໄວໜຸ່ມຊາວຫວຽດນາມ ອາໄສຢູ່ຕ່າງ ທີ່ພວມດຳລົງຊີວິດ ແລະ ຮໍ່າຮຽນຢູ່ຕ່າງປະເທດ, ມີເງື່ອນໄຂສຳພັດ ແລະ ເຂົ້າໃຈກ່ຽວກັບກົກເຄົ້າເຫງົ້າກໍວັດທະນະທຳຂອງບັນດາເຜົ່າຫວຽດນາມ ກ່ວາ, ຜ່ານນັ້ນຍົກສູງການຕອບບຸນແທນຄຸນຕໍ່ບັນພະບຸລຸດ, ຕິດພັນກັບບ້ານເກືອດເມືອງນອນ, ປະເທດຊາດກວ່າ. ເພື່ອນ ຟ້າມແຄ໋ງລີ, ນັກຄົ້ນຄວ້າຂະແໜງພົວພັນຕ່າງປະເທດຢູ່ ຊຽງໄຮ່, ປະເທດຈີນ, ໄດ້ແບ່ງປັນເມື່ອເປັນຄັ້ງທຳອິດທີ່ມາຢ້ຽມຢາມເຂດສຸສານນັກຮົບທີ່ເສຍສະຫຼະຊີວິດເພື່ອຊາດ ເມືອງ ວິຊວຽນ ວ່າ.
“ຂ້າພະເຈົ້າໄດ້ຖະຫວາຍທູບທຽນບູຊາພ້ອມກັບບັນດາເພື່ອນ, ພວກນ້ອງຮູ້ສຶກຕື້ນຕັນໃຈ ແລະ ສັກກະຫຼະບູຊາ. ບໍ່ຄິດໄດ້ວ່າ ເຂດສຸສານນັກຮົບທີ່ເສຍສະຫຼະຊີວິດເພື່ອຊາດໃຫຍ່ຄືແນວນັ້ນ. ໝາຍຄວາມວ່າ ມີນັກຮົບທີ່ເສຍສະຫຼະຊີວິດເພື່ອຊາດຫຼາຍຄົນໄດ້ເສຍສະຫຼະຊີວິດ. ຖ້າຫາກບໍ່ມານີ້, ພວກນ້ອງກໍ່ບໍ່ຮູ້ເຖິງການເສຍສະຫຼະຊີວິດອັນຍິ່ງໃຫຍ່ປານນັ້ນ”.