ຊາວນະຄອນຫລວງຮ່າໂນ້ຍເຂົ້າຮ່ວມວັນກາບກອນ
ຫວຽດນາມປີ 2015
ພາບ:vietnamplus.vn
|
(vovworld)- ຕອນເຊົ້າວັນທີ 5/3, ພິທີໄຂວັນກາບກອນຫວຽດນາມ ຄັ້ງທີ 13 ດຳເນີນໄປ ວັນມຽວ -ກວກຕືຢາມ, ຮ່າໂນ້ຍ ດ້ວຍຫົວເລື່ອງມູ່ງໄປເຖິງເຂດທະເລ ແລະ ໝູ່ເກາະ. ພ້ອມກັບເຫດການງານມະໂຫລານກາບກອນ ອາຊີ - ປາຊີຟີກ ແລະ ກອງປະຊຸມໂຄສະນາວັນນະຄະດີ, ເຂົ້າຮ່ວມວັນກາບກອນຫວຽດນາມ ຄັ້ງທີ 13 ມີນັກກະວີ, ນັກປະພັນ ແລະ ນັກແປພາສາ 150 ຄົນ ມາຈາກ 41 ປະເທດໃນໂລກ. ນັກກະວີ ຫງວຽນກວາງທ່ຽວ, ຮອງປະທານສະມາຄົມນັກປະພັນວັນນະຄະດີຫວຽດນາມ ໃຫ້ຮູ້ວ່າ: ວັນກາບກອນ ຫວຽດນາມ ປີ 2015 ເພື່ອແນະນຳໂດຍສັງເຂບກ່ຽວກັບໝາກຜົນ, ສີສັນວັດທະນະທຳຂອງຫວຽດນາມ ໃຫ້ແກ່ເພື່ອນມິດສາກົນ.
“ປີນີ້ແມ່ນຂີດໝາຍເພື່ອໃຫ້ພວກເຮົາຫັນແນວຄວາມຄິດ ແລະ ຍຸດທະສາດຂອງສະມາຄົມນັກປະພັນວັນນະຄະດີ, ຂອງລັດໃນການໂຄສະນາວັນນະຄະດີຫວຽດນາມອອກສູ່ໂລກໃຫ້ປະກົດຜົນເປັນຈິງ. ຜູ້ເຮັດວຽກງານຄຸ້ມຄອງສິລະປະວັນນະຄະດີເຫັນວ່າ ສິລະປະວັນນະຄະດີ ພິເສດແມ່ນກາບກອນສາມາດນຳມາເຊິ່ງກຳລັງແຮງໃນການເຊື່ອມຕໍ່, ອະທິບາຍ, ພິສູດໃຫ້ເຫັນທຸກສິ່ງທຸກຢ່າງຊື່ງ ຫວຽດນາມ ບັນລຸໄດ້ໃນປະຫວັດສາດ.”
ໃນຂອບເຂດວັນກາບກອນຫວຽດນາມ 2015 ໄດ້ດຳເນີນງານວາງສະແດງພົວພັນແລກປ່ຽນວັນນະຄະດີສາກົນ, ບັນດາບົດປະພັນວັນນະຄະດີ ຫວຽດນາມ ໄດ້ ແປເປັນພາສາຕ່າງປະເທດ ແລະ ພິມຈຳຫນ່າຍຢູ່ຕ່າງປະເທດ.