ໄຂວັນຊາວໜຸ່ມອາຊຽນຄັ້ງທີ19
(ພາບປະກອບຈາກ Đình Trân/TTXVN)
(vovworld) – ວັນຊາວໜຸ່ມອາຊຽນຄັ້ງທີ 19 ໄດ້ຖືກໄຂຂຶ້ນຢູ່ນະຄອນຫຼວງ ຮ່າໂນ້ຍ ແລະ ແຂວງ ກວາງນິງ, ແຕ່ວັນທີ 11 – 15/11, “ວັນຊາວໜຸ່ມ ອາຊຽນ” ຄັ້ງທີ 19 ໂດຍຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ຈັດຕັ້ງ ແມ່ນເວທີປາໄສເພື່ອໃຫ້ບັນດາອົງການຊາວໜຸ່ມ ແລະ ສ່ວນບຸກຄົນດີເດັ່ນຂອງບັນດາປະເທດ ອາຊຽນ ແບ່ງປັນບົດຮຽນໃນການເຄື່ອງໄຫວຕ່າງໆ, ມຸ່ງໄປເຖິງການພັດທະນາປະຊາຄົມ, ເສີມຂະຫຍາຍບົດບາດປະຈັນບານ, ມີຫົວຄິດປະດິດສ້າງຂອງຊາວໜຸ່ມໃນການພັດທະນາເສດຖະກິດ - ສັງຄົມຂອງປະເທດຊາດ. ກ່າວຄຳເຫັນທີ່ພິທີໄຂໃນຕອນເຊົ້າວັນທີ 12/11, ຢູ່ ຮ່າໂນ້ຍ, ທ່ານເລຂາສູນກາງຄະນະຊາວໜຸ່ມກອມມູນິດ ໂຮ່ຈີມິນ ເຢືອງວັນອານ, ໃຫ້ຮູ້ວ່າ:
“ຜ່ານລາຍການ “ວັນຊາວໜຸ່ມ ອາຊຽນ” ຄັ້ງນີ້, ຫວຽດນາມ ສາມາດຖອດຖອນໄດ້ບົດຮຽນຈາກບັນດາປະເທດ ອາຊຽນ ໃນການເຄື່ອນໄຫວຊາວໜຸ່ມກໍ່ຄືເລື່ອງເປັນເສນາທິການເພື່ອປະກາດໃຊ້ບັນດານະໂຍບາຍໃຫ້ຊາວໜຸ່ມ. ພວກຂ້າພະເຈົ້າຄິດວ່າ: ດ້ວຍທີ່ຕັ້ງບົດບາດນັບມື້ນັບໄດ້ຮັບການຢັ້ງຢືນຂອງຫວຽດນາມ ໃນພາກພື້ນ ແລະ ຢູ່ໃນໂລກ, ເລື່ອງຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ຈັດຕັ້ງວັນຊາວໜຸ່ມ ອາຊຽນ ກໍ່ແມ່ນວິທີເພື່ອໃຫ້ພວກເຮົາສ້າງເວທີປາໄສຂອງ ຫວຽດນາມ ເວົ້າລວມ ແລະ ຊາວໜຸ່ມ ຫວຽດນາມ ໃນດວງໃຈເພື່ອນມິດສາກົນ..”