ໄຂວາລະປະຊຸມຄັ້ງທີ 22, ຄະນະປະຈຳສະພາ ແຫ່ງຊາດຊຸດທີ 13
(ພາບປະກອບ)
(vovworld) - ຕອນເຊົ້າວັນທີ 10 ຕຸລາ, ຢູ່ຮ່າໂນ້ຍ ໄດ້ໄຂວາລະປະຊຸມຄັ້ງທີ 22, ຄະນະປະຈຳສະພາແຫ່ງຊາດຊຸດທີ 13. ກ່າວຄຳເຫັນທີ່ພິທີໄຂ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກວ່າ, ດ້ວຍບົດບາດສຳຄັນຂອງວາລະປະຊຸມຄັ້ງທີ 22 ແລະ ການກະກຽມບັນດາເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ່ 6 ຢ່າງລອບຄອບທີ່ຖ້ວນ, ສະພາແຫ່ງຊາດຫວຽດນາມ ຊຸດທີ 13 ຈະໄຂຂຶ້ນໃນເດືອນ ຕຸລາ.
ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ໄດ້ພິຈາລະນາກ່ຽວກັບບັນດາບົດລາຍງານຂອງລັດຖະບານກ່ຽວກັບສະພາບປະຕິບັດແຜນການພັດທະນາເສດຖະກິດ, ສັງຄົມ ແລະ ແຜນງົບປະມານແຫ່ງລັດປີ 2013, ແຜນການພັດທະນາເສດຖະກິດສັງຄົມໃນໄລຍະ 5 ປີ (2011 - 2015), ແຜນພັດທະນາເສດຖະກິດສັງຄົມປີ 2014; ແຜນງົບປະມານແຫ່ງລັດ, ວິທີການຈັດແບ່ງງົບປະມານສູນກາງ ແລະ ເພີ່ມເຕີ່ມງົບປະມານທ້ອງຖິ່ນປີ 2014; ແຜນການພັດທະນາເສດຖະກິດ, ສັງຄົມ ຮອດທ້າຍປີ 2015. ບົດລາຍງານບາງສະບັບຂອງລັດຖະບານ ທີ່ກ່ຽວຂ້ອງເຖິງບັນດາໃບສະເໜີຂອງອົງການກວດຊອບແຫ່ງລັດ ກໍ່ໄດ້ຮັບການປຶກສາກາຫາລືທີ່ວາລະປະຊຸມຄັ້ງນີ້. ກ່ຽວກັບວຽກງານສ້າງກົດໝາຍ, ຄະນະປະຈຳສະພາແຫ່ງຊາດ ສືບຕໍ່ປຶກສາຫາລື, ກວດກາຄືນກ່ອນທີ່ຍື່ນສະເໜີຕໍ່ສະພາແຫ່ງຊາດ ກ່ຽວກັບຮ່າງກົດໝາຍວ່າດ້ວຍການປະມູນ (ສະບັບປັບປຸງ); ຮ່າງກົດໝາຍວ່າດ້ວຍການປັບປຸງ, ເພີ່ມເຕີ່ມຂໍ້ມາດຕາຂອງຮ່າງກົດໝາຍວ່າດ້ວຍນາຍທະຫານກອງທັບປະຊາຊົນຫວຽດນາມ ແລະ ຮ່າງກົດໝາຍວ່າດ້ວຍຕຳຫຼວດປະຊາຊົນ (ສະບັບປັບປຸງ); ໃຫ້ຄຳເຫັນໃສ່ໃບສະເໜີຂອງລັດຖະບານກ່ຽວກັບເລື່ອງເຂົ້າຮ່ວມສົນທິສັນຍາກ່ຽວກັບສິດຜົນປະໂຫຍດສາກົນສຳລັບອຸປະກອນເຄື່ອນທີ່ ແລະ ອານຸສັນຍາກ່ຽວກັບບັນດາບັນຫາລະອຽດສຳລັບເຄື່ອງອຸປະກອນເຮືອບິນ (ສົນທິສັນຍາ ແລະ ອານຸສັນຍາ Cape Town); ໃບສະເໜີຂອງລັດຖະບານກ່ຽວກັບເລື່ອງລົງນາມໃນສົນທິສັນຍາຕ້ານການທໍລະມານ... ຄະນະປະຈຳສະພາແຫ່ງຊາດສືບຕໍ່ໃຫ້ຄຳເຫັນກ່ຽວກັບຮ່າງລັດຖະທຳມະນູນປີ 1992 (ສະບັບປັບປຸງ)...
ພາຍຫຼັງພິທີໄຂກອງປະຊຸມ, ພາຍໃຕ້ການເປັນປະທານຂອງທ່ານນາງຮອງປະທ່ານສະແຫ່ງຊາດ ຫງວຽນທິກິມເງິນ, ຄະນະປະຈຳສະພາແຫ່ງຊາດໄດ້ປຶກສາຫາລື, ໃຫ້ຄຳເຫັນກ່ຽວກັບບົດລາຍງານສະຫຼຸບ 3 ປີໄລຍະ 2011 – 2013 ຂອງລັດຖະບານ ໃນການປະຕິບັດໂຄງການຈຸດໝາຍແຫ່ງຊາດ ແລະ ປະກອບຄຳເຫັນກ່ຽວກັບການອອກພັນທະບັດລັດຖະບານ ໃຫ້ແກ່ເສັ້ນທາງຫຼວງເລກ 1 ແລະ ເສັ້ນທາງຫຼວງເລກ 14.