(vovworld) – ວັນທີ 9/12, ວາລະປະຊຸມຄັ້ງທີ 16 ສະພາປະຊາຊົນນະຄອນ ໂຮ່ຈີມິນ ຊຸດທີ 8 ໄຂຂຶ້ນດ້ວຍເນື້ອໃນຕົ້ນຕໍແມ່ນທົບທວນຄືນສະພາບການປະຕິບັດເສດຖະກິດ - ສັງຄົມປີ 2014, ພິຈາລະນາມາດຕະການພັດທະນາເສດຖະກິດ - ສັງຄົມປີ 2015, ໝາກຜົນຂອງການແກ້ໄຂບັນດາຂໍ້ສະເໜີ, ຄວາມຂ້ອງໃຈຂອງຜູ້ມີສິດເລືອກຕັ້ງ ແລະ ໝາກຜົນແຫ່ງການເຄື່ອນໄຫວ, ຕິດຕາມກວດກາປີ 2014 ແລະ ພິຈາລະນາໜ້າທີ່ປະຕິບັດໃນປີ 2015… ທີ່ວາລະປະຊຸມຄັ້ງນີ້, ສະພາປະຊາຊົນນະຄອນໄດ້ຈັດຕັ້ງການລົງຄະແນນສຽງໄວ້ວາງໃຈສຳລັບ 18 ຕຳແໜ່ງໂດຍສະພາປະຊາຊົນເລືອກຕັ້ງ ແລະ ຈັດຕັ້ງການຊັກຖາມສຳລັບປະທານຄະນະກຳມະການປະຊາຊົນນະຄອນ ເລຮ່ວາງກວນ ແລະ ຫົວໜ້າພະແນກ, ຂະແໜງ 2 ທ່ານ.
ແລະກໍ່ໃນວັນດຽວກັນ, ຢູ່ແຂວງ ກວາງນິງ ແລະ ນະຄອນ ດ່ານັ້ງ ກໍ່ໄດ້ໄຂວາລະປະຊຸມສະພາປະຊາຊົນເພື່ອແນໃສ່ຕີລາຄາສະພາບການເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບປີ 2014 ແລະ ທິດທາງ, ໜ້າທີ່ປີ 2015.