ພິທີໄຂສັບປະດາຟ້ອນ (ພາບ: VOV)

ຕາມທ່ານ ຟ້າມແອັງເຟືອງ, ປະທານສະມາຄົມນັກສິລະປິນ ຟ້ອນ ຫວຽດນາມ ແລ້ວ, ສັບປະດາຟ້ອນ ຫວຽດນາມ ປີນີ້ ມີການເຂົ້າຮ່ວມຂອງ 8 ກອງສິລະປະ ດ້ວຍນັກສິລະປິນກວ່າ 100 ທ່ານ. ບັນດາເຫດການໃນສັບປະດານີ້ ແມ່ນມຸ່ງໄປສູ່ການອະນຸລັກຮັກສາ, ເສີມຂະຫຍາຍບັນດາຄຸນຄ່າວັດທະນະທຳພື້ນເມືອງຂອງຊາດ, ຜ່ານນັ້ນຕີລາຄາຢ່າງຮອບດ້ານ, ພາວະວິໄສຮູບພາບສິລະປະຟ້ອນທີ່ເປັນມືອາຊີບໃນຍຸກປະຈຸບັນ, ຈາກນັ້ນ ໄດ້ກຳນົດທິດ ແລະ ຍົກສູງຄຸນນະພາບສິລະປະຟ້ອນ ຫວຽດນາມ ຢ່າງຮອບດ້ານ. ທ່ານ ຟ້າມແອັງເຟືອງ ໃຫ້ຮູ້ວ່າ:

        “ສັບປະດາຟ້ອນ ຫວຽດນາມ ປີ 2024 ແມ່ນການເຄື່ອນໄຫວມຸ່ງໄປສູ່ກົກເຄົ້າເຫງົ້າກໍ, ແມ່ນບ່ອນປຸກລຸກຫົວຄິດປະດິດສ້າງສິລະປະ ເພື່ອເປົ້າໝາຍສ້າງສາ ແລະ ພັດທະນາພື້ນຖານສິລະປະຟ້ອນ ຫວຽດນາມ ໃຫ້ກ້າວໜ້າ, ເຂັ້ມຄຸ້ນໄປດ້ວຍສີສັນຊາດ, ປະກອບສ່ວນສ້າງລະບົບຄຸນຄ່າວົງຄະນະຍາດ, ສັງຄົມ, ຕອບສະໜອງຄວາມຮຽກຮ້ອງຕ້ອງການພັດທະນາແບບຍືນຍົງຂອງປະເທດຊາດ”.