ໄຂສັບປະດາວັດທະນະທຳ,ການທ່ອງທ່ຽວທັດສະນີຍະພາບນາຂັ້ນໄດມູ່ກາງຈ໋າຍປີ2016
(ພາບປະກອບ: TTXVN)
(vovworld) - ຕອນຄ່ຳວັນທີ 18/09, ແຂວງ ອຽນບ໋າຍ ໄຂສັບປະດາວັດທະນະທຳການທ່ອງທ່ຽວທັດສະນີຍະພາບນາຂັ້ນໄດ ມູ່ກາງຈ໋າຍ ປີ 2016. ທີ່ພິທີໄຂ ໄດ້ດຳເນີນການເຄື່ອນໄຫວ ດ້ວຍລາຍການສີລະປະເປັນເອກະລັກສະເພາະຫລາຍຢ່າງຄື: ຟ້ອນແຄນມົງຂອງນັກສິລະປະ 100 ຄົນ, ວາດພາບພິທີງານ ເກົ່າຕ່າວ, ງານບຸນເຂົ້າຈີ່ ຂອງຊົນເຜົ່າມົງ…ອັນໄດ້ແນະນຳເຖິງນັກທ່ອງທ່ຽວເຂດພູດອຍ ມູ່ກາງຈ໋າຍ ທີ່ເຂັ້ມຂົ້ນໄປດ້ວຍສີສັນວັດທະນະທຳ, ແລະ ນັບມື້ນັບມີການປ່ຽນແປງ ແລະ ພັດທະນາ. ທ່ານນາງ ເລືອງທິຊ໋ວຽນ ຮອງປະທານຄະນະກຳມະການເມືອງ ມູ່ກາງຈ໋າຍ ແຂວງ ອຽນບ໋າຍ ໃຫ້ຮູ້ວ່າ:
ໃນສັບປະດາວັດທະນະທຳການທ່ອງທ່ຽວທັດສະນີຍະພາບນາຂັ້ນໄດ ມູ່ກາງຈ໋າຍ, ພວກຂ້າພະເຈົ້າ ກຳນົດວ່າອັນໃດ ແມ່ນທິດທາງຖືກຕ້ອງເພື່ອຊ່ວຍໃຫ້ພໍ່ແມ່ປະຊາຊົນໃນບໍລິເວນ ມູ່ກາງຈ໋າຍ ເຮັດການທ່ອງທ່ຽວ, ພວກຂ້າພະເຈົ້າໄດ້ຈັດຕັ້ງສັບປະດາວັດທະນະທຳການທ່ອງທ່ຽວທັດສະນີຍະພາບນາຂັ້ນໄດ ມູ່ກາງຈ໋າຍ ເປັນປະຈຳປີ. ເມື່ອມາຢ້ຽມຢາມ ມູ່ກາງຈ໋າຍ ແຂກທ່ອງທ່ຽວ ມີໂອກາດຄົ້ນຫາທິວທັດທຳມະຊາດທີ່ສວຍສົດງົດງາມ ແລະຄົ້ນຫາວັດທະນະທຳຂອງຊົນເຜົ່າ. ໝັ້ນໝາຍໃນອະນາຄົດ ມູ່ກາງຈ໋າຍ ຈະກາຍເປັນສະຖານທີ່ທ່ອງທ່ຽວດຶງດູດແຂກທ່ອງທ່ຽວ.